కరోనా కారణంగా లభించిన ఖాళీ సమయాన్ని కుటుంబంతో గడుపుతూ కాలక్షేపం చేస్తున్నారు క్రికెటర్లు. సామాజిక మాధ్యమాల్లోనూ చురుగ్గా వ్యవహరిస్తూ అభిమానులకు దగ్గరగా ఉంటున్నారు. ఇటీవలే ఐపీఎల్ ఫ్రాంఛైజీ సన్రైజర్స్ హైదరాబాద్ లైవ్ సెషన్ ఏర్పాటు చేసింది. ఇందులో పాల్గొన్న విలియమ్సన్(న్యూజిలాండ్), డేవిడ్ వార్నర్(ఆస్ట్రేలియా).. పలు ఆసక్తికర విషయాల్ని పంచుకున్నారు.
వార్నర్: ప్రస్తుతం నీ దృష్టిలో ఉత్తమ క్రికెటర్ ఎవరు?
విలియమ్సన్: ఇది చాలా కష్టమైన ప్రశ్న. నాకైతే కోహ్లీ, డివిలియర్స్ అత్యుత్తమ ఆటగాళ్లు. ఇందులో ఒకరిని ఎంచుకోవాలంటే డివిలియర్స్ కాస్త మెరుగు. అతడో గొప్ప బ్యాట్సమన్. అతడే ప్రత్యేకమైన ప్లేయర్. కోహ్లీ.. అన్ని ఫార్మాట్లలోనూ ఆకలితో పరుగులు సాధిస్తున్నాడు. అతడు ఆడుతుంటే చూడటానికి బాగుంటుంది. విరాట్ నుంచి చాలా నేర్చుకోవచ్చు.
విలియమ్సన్: నీ దృష్టిలో ఉత్తమ క్రికెటర్ ఎవరు?
వార్నర్: నా ప్రకారం నువ్వు (విలియమ్సన్), స్టీవ్ స్మిత్, విరాట్ కోహ్లీ ఉత్తమ క్రికెటర్లు.