తనయుడితో ధావన్ డ్యాన్స్.. వీడియో వైరల్

లాక్​డౌన్ సమయంలో కుటుంబంతో సరదాగా గడుపుతున్నాడు టీమ్​ఇండియా క్రికెటర్ శిఖర్ ధావన్. తాజాగా తన తనయుడితో కలిసి డ్యాన్స్ చేసిన వీడియోను నెట్టింట పంచుకున్నాడు.

లాక్​డౌన్ సమయాన్ని కుటుంబంతో గడుపుతూ కాలక్షేపం చేస్తున్నాడు టీమ్​ఇండియా ఓపెనర్ శిఖర్ ధావన్. ఇటీవలే టాయ్​లెట్ క్లీన్ చేస్తున్న ఓ వీడియోను సామాజిక మాధ్యమాల్లో పంచుకున్నాడు. తాజాగా తనయుడు జోరావర్​తో డ్యాన్స్ చేస్తున్న వీడియోను నెట్టింట షెర్ చేశాడు.

బాలీవుడ్ పాట 'డాడీ కూల్​'కు జోరావర్​తో పాటు ధావన్ కలిసి డ్యాన్స్ చేశాడు. ఈరోజు తండ్రీకొడుకులిద్దరూ కూల్​గా ఉన్నారంటూ క్యాప్షన్ ఇచ్చాడు. అభిమామనులు కూడా ఈ డ్యాన్స్ చూసి కామెంట్లు పెడుతున్నారు.

ఇటీవలే ఇంట్లో బట్టలు ఉతుకుతూ, టాయ్​లెట్ కడుగుతున్న వీడియోలను అభిమానులతో పంచుకున్నాడు ధావన్. దీనిపై పలువురు క్రికెటర్లు కామెంట్లు చేశారు.