సీఎస్కేకు మరో దెబ్బ.. ఐపీఎల్​ నుంచి భజ్జీ​ ఔట్

చెన్నై సూపర్ కింగ్స్ జట్టుకు మరో ఎదురుదెబ్బ తగిలింది. సీనియర్ స్పిన్నర్​ హర్భజన్​ సింగ్​ ఈ సారి ఐపీఎల్​ నుంచి పూర్తిగా వైదొలిగాడు. వ్యక్తిగత కారణాల వల్ల అందుబాటులో ఉండట్లేదని తెలిపాడు.

చెన్నై సూపర్​ కింగ్స్ దిగ్గజ స్పిన్నర్​ హర్భజన్ సింగ్ వ్యక్తిగత కారణాల వల్ల​ ఈ ఏడాది ఐపీఎల్​ నుంచి వైదొలిగాడు. జట్టు యాజమాన్యానికి తన నిర్ణయాన్ని ప్రకటించి.. క్షమించమని అడిగినట్లు తెలిపాడు. అయితే, ఈ విషయంపై ఫ్రాంచైజీ అధికారికంగా ప్రకటించాల్సి ఉంది.

ఐపీఎల్​ నిబంధనల ప్రకారం.. ఒక్కసారి టోర్నీ నుంచి వైదొలిగిన ఆటగాడిని తిరిగి అనుమతించకపోవచ్చు. ముఖ్యంగా ప్రస్తుత కరోనా పరిస్థితుల నేపథ్యంలో ఈ విషయంపై మరింత స్పష్టత కనిపిస్తోంది.

ఇప్పటికే సురేశ్​ రైనా లీగ్​ నుంచి తప్పుకున్నాడు. సీఎస్కే సభ్యుల్లో ఇద్దరు ఆటగాళ్లు, 11 మంది సిబ్బంది కరోనా బారిన పడ్డారు. ఫలితంగా శిక్షణ వాయిదా పడింది. ఇప్పుడు భజ్జీ నిర్ణయంతో సీఎస్కేకు మరో ఎదురుదెబ్బ తలిగినట్లైంది.