ఐపీఎల్ 14వ సీజన్ కోసం చెన్నై సూపర్ కింగ్స్ జట్టు కొత్త జెర్సీని ప్రకటించింది. ముందు భాగంలో మూడు స్టార్లతో పాటు సాయుధ దళాల సేవలకు నివాళిగా జెర్సీని రూపొందించింది సీఎస్కే. 2010, 2011, 2018లలో మూడు సార్లు ధోనీ సారథ్యంలోని చెన్నై జట్టు ఐపీఎల్ ట్రోఫీని అందుకుంది. ఇందుకు గుర్తుగా ఈ మూడు స్టార్లను జెర్సీపై ఉంచింది చెన్నై. కొత్త జెర్సీకి సంబంధించిన ఓ చిన్న వీడియోను ట్విట్టర్లో పంచుకుంది ఆ జట్టు ఫ్రాంచైజీ. ఇందులో జట్టు కెప్టెన్ మహేంద్ర సింగ్ ధోనీ కనిపించాడు.
"సాయుధ దళాలకు సంబంధించి నిస్వార్థ పాత్ర గురించి అవగాహన పెంచడానికి ప్రయత్నించాలనుకున్నాం. చివరికి ఈ విధంగా సాధ్యమైంది. వారు నిజమైన హీరోలు" అని జెర్సీ ఆవిష్కరణ సందర్భంగా సీఎస్కే సీఈఓ విశ్వనాథన్ వెల్లడించాడు.