టీమ్ఇండియా మాజీ కెప్టెన్ మహేంద్ర సింగ్ ధోనీ రిటైర్మెంట్కు మీడియాలో వస్తున్న విమర్శలు ఓ కారణమని అన్నారు మహీ చిన్నప్పటి కోచ్ కేశవ్ రంజన్ బెనర్జీ. ఏడాది నుంచి ఆడని క్రికెటర్.. జట్టులోకి ఎలా రీఎంట్రీ ఇస్తాడు అని వాళ్లు చేసిన వ్యాఖ్యలే ఇందుకు కారణమని అభిప్రాయపడ్డారు.
ధోనీ చిన్నప్పటి కోచ్ కేశవ్తో ఇంటర్వ్యూ
"2019 ప్రపంచకప్ తర్వాత ధోనీ కనీసం ఒక్క మ్యాచ్ కూడా ఆడలేదు. భారత జట్టులోకి ఎలా రీఎంట్రీ ఇస్తాడు? అంటూ మీడియాలో వచ్చిన కొన్ని వార్తలు ధోనీ రిటైర్మెంట్కు కారణమేమో. మహీ నిర్ణయం తీసుకోవడంలో ఇది ఓ భాగమై ఉండొచ్చు. ఆ విషయం అతడికి మాత్రమే తెలుసు. వచ్చే ఏడాది టీ20 ప్రపంచకప్ వరకు ఆడే ఫిట్నెస్ ధోనీలో ఉందని నా అభిప్రాయం. నేను కాదు చాలామంది ఇదే అనుకుంటున్నారు. అయితే అందరూ వీడ్కోలు పలకాల్సిన సమయం ఉంటుంది. ధోనీ రిటైర్మెంట్పై నేను బాధపడ్డా. అదే సమయంలో నా ఎమోషన్స్ను కంట్రోల్ చేసుకున్నా."