కరోనా మహమ్మారి వల్ల ప్రపంచవ్యాప్తంగా ఆందోళనకర పరిస్థితులు నెలకొన్నాయి. ఈ వైరస్పై పోరుకు ప్రభుత్వాలు అన్ని చర్యలు చేపడుతున్నాయి. వారికి మద్దతుగా సెలిబ్రిటీలు తమవంతు సాయం చేయడానికి ముందుకొస్తున్నారు. టీమ్ఇండియా క్రికెటర్లు విరాళాలు ప్రకటిస్తూ తమ దాతృత్వాన్ని చాటుకుంటున్నారు. తాజాగా రోహిత్ శర్మ 80 లక్షలు విరాళం ప్రకటిస్తున్నట్లు తెలిపాడు.
కరోనాపై పోరుకు రోహిత్ 80 లక్షల విరాళం - Rohit Sharma donates Rs 80 lakh to Corona fight
కరోనాపై పోరుకు మద్దతుగా విరాళాలు ప్రకటించి దాతృత్వాన్ని చాటుకుంటున్నారు టీమ్ఇండియా క్రికెటర్లు. తాజాగా రోహిత్ శర్మ 80 లక్షలు విరాళంగా ప్రకటించాడు.
రోహిత్
ఇందులో 45 లక్షలు ప్రధానమంత్రి ప్రారంభించిన పీఎమ్ కేర్స్ నిధికి, 25 లక్షలు మహారాష్ట్ర ప్రభుత్వ సహాయనిధికి, 5 లక్షలు ఫీడింగ్ ఇండియా ఆర్గనైజేషన్కు, మరో 5 లక్షలు వెల్ఫేర్ ఆఫ్ స్ట్రే డాగ్స్కు అందజేస్తున్నట్లు తెలిపాడు.
ఇప్పటికే సురేశ్ రైనా 52 లక్షలు విరాళం ప్రకటించగా, బీసీసీఐ 51 కోట్లు పీఎమ్ కేర్స్ నిధికి విరాళమిచ్చింది. సచిన్ తెందుల్కర్ 50 లక్షలు ప్రకటించాడు. వీరితో పాటు బీసీసీఐ అధ్యక్షుడు గంగూలీ, టీమ్ఇండియా సారథి కోహ్లీ, స్ప్రింటర్ హిమదాస్, షట్లర్ పీవీ సింధు, రెజ్లర్ భజరంగ్ పునియా తమవంతు సాయం చేశారు.