'కోహ్లీని చూసి బాబర్ ఆ విషయం నేర్చుకోవాలి'

మ్యాచ్​లు గెలిపించే విషయంలో కోహ్లీని చూసి బాబర్ స్ఫూర్తి పొందాలని అన్నాడు మాజీ క్రికెటర్ రమీజ్ రాజా. తన బ్యాటింగ్​ను ఇంకాస్త మెరుగుపర్చుకునేందుకు బాబర్​కు ఇదే సరైన సమయమని అభిప్రాయపడ్డాడు.

పాకిస్థాన్​ పరిమిత ఓవర్ల కెప్టెన్​ బాబర్​ అజామ్ మ్యాచ్​ విన్నర్​గా మారాలంటే​ టీమ్​ఇండియా సారథి​ కోహ్లీని చూసి నేర్చుకోవాలని ఆ దేశ మాజీ క్రికెటర్​ రమీజ్​ రాజా అభిప్రాయపడ్డాడు. విరాట్​ సెట్​ చేసిన రికార్డును దృష్టిలో పెట్టుకుని, బాబర్​ తన ఆటతీరును మరింత మెరుగుపర్చుకోవచ్చని సూచించాడు.

"పాక్ స్టార్ బ్యాట్స్​మన్ బాబర్ అజమ్​ ఇప్పుడు చేయాల్సిందల్లా మ్యాచ్​ విజేతగా మారడమే. ఆ లక్షణాన్ని కోహ్లీ నుంచి నేర్చుకోవాలి. అప్పుడే బలమైన ఆటగాడిగా ఎదుగుతాడు. ప్రస్తుతం అతడి వయసు 25 ఏళ్లు. బాగా ఆడి తన బలం నిరూపించుకోవడానికి ఇదే సరైన సమయం. 1992లో ఇంగ్లాండ్​లో పర్యటించినప్పుడు ఇంజిమామ్​ భారీగా స్కోరు చేయలేకపోయాడు. కానీ ఇప్పుడు అతడి గణాంకాలు అద్భుతం. అలానే బాబర్​ కూడా ఇటీవలే జరిగిన ఇంగ్లాండ్​ సిరీస్​లో ఆడకపోయినప్పటికీ.. తర్వాతి సిరీస్​లలో రాణిస్తాడని భావిస్తున్నాను. ఇది సాధ్యం కావాలంటే బాబర్​ మరింత శ్రమించాల్సి ఉంటుంది"

-రమీజ్​ రాజా, పాక్​ మాజీ క్రికెటర్​

రమీజ్​రాజా వ్యాఖ్యలపై స్పందించిన పాక్​ మాజీ బ్యాట్స్​మన్​ యూనిస్​ ఖాన్​.. కోహ్లీ కెరీర్​ ప్రారంభించిన చాలాకాలానికి బాబర్​ వచ్చాడని, వీరిద్దరిని పోల్చడం సరికాదని అన్నాడు. 2008లో విరాట్​ అరంగేట్రం చేయగా.. 2015లో ఆజామ్​​ ఎంట్రీ ఇచ్చాడు. ఐసీసీ ర్యాంకింగ్స్​లోని మూడు ఫార్మాట్లలో ​ తొలి ఐదు స్థానాల్లో ఉన్న ఏకైక బ్యాట్స్​మన్​ బాబర్ అజమ్ కావడం విశేషం​.

ఇది చూడండి విరుష్క జోడీ, చాహల్​కు ఆర్సీబీ ట్రీట్​