దిల్లీ క్యాపిటల్స్తో జరిగిన మ్యాచ్లో చెన్నై సూపర్ కింగ్స్ 6 వికెట్ల తేడాతో విజయం సాధించింది. గత మ్యాచ్లో భారీ స్కోరు చేసిన దిల్లీ బ్యాట్స్మెన్.. ఈ మ్యాచ్లో 147 పరుగులే చేయగలిగారు. చెన్నై జట్టులో వాట్సన్ 44 పరుగులు చేసి ఆకట్టుకున్నాడు. దిల్లీ జట్టులో ధావన్ అర్ధ సెంచరీతో రాణించాడు. ఆడిన రెండు మ్యాచ్ల్లో గెలిచి పాయింట్ల పట్టికలో మొదటి స్థానంలో ఉంది చెన్నై.
సమష్టిగా అదరగొట్టిన చెన్నై
టాస్ ఓడి బౌలింగ్ చేసిన చెన్నై.. ప్రత్యర్థిని తక్కువ పరుగులకే కట్టడి చేసింది. చెన్నై బౌలర్లలో బ్రావో మూడు వికెట్లు తీసి కీలక పాత్ర పోషించాడు. 51 పరుగులు చేసిన ధావన్, 25 పరుగులు చేసిన పంత్ ఇతడి బౌలింగ్లోనే ఔటయ్యారు. మిగతా బౌలర్లలో దీపక్ చాహర్, జడేజా, తాహిర్ తలో వికెట్ తీశారు.
గత మ్యాచ్ హీరో పంత్... ఈ మ్యాచ్లో రాణించలేకపోయాడు. 13 బంతుల్లో 25 పరుగులు మాత్రమే చేశాడు. దిల్లీ జట్టులోని మిగతా బ్యాట్స్మెన్లో పృథ్వీషా 24, శ్రేయస్ అయ్యర్ 25 పరుగులు చేశారు.