అశ్విన్, బుమ్రా రికార్డు బద్దలు కొట్టిన చాహల్

టీ20ల్లో వేగంగా 50 వికెట్లు తీసిన ఘనత సాధించాడు టీమిండియా స్పిన్నర్ యజ్వేంద్ర చాహల్. పొట్టిఫార్మాట్​లో భారత్​ తరఫున అత్యధిక వికెట్లు తీసిన అశ్విన్(52), బుమ్రా(51) కంటే వేగంగా 50 వికెట్లు తీసి రికార్డు సృష్టించాడు.

టీమిండియా స్పిన్నర్ యజ్వేంద్ర చాహర్ అరుదైన ఘనత సొంతం చేసుకున్నాడు. టీ20ల్లో వేగంగా 50 వికెట్లు మైలురాయిని అందుకున్న భారత క్రికెటర్​గా రికార్డు సృష్టించాడు. 31ఇన్నింగ్స్​ల్లో 50 వికెట్లు తీసి రవిచంద్రన్ అశ్విన్(52 వికెట్లు), జస్ప్రీత్ బుమ్రాను(51) వెనక్కినెట్టాడు.

ఆదివారం బంగ్లాదేశ్​తో జరిగిన మ్యాచ్​లో మహ్మదుల్లా వికెట్​ను తీసి 50వ వికెట్​ను ఖాతాలో వేసుకున్నాడు. అశ్విన్ 46 ఇన్నింగ్స్​ల్లో 50 వికెట్లు తీయగా... బుమ్రా 42 ఇన్నింగ్స్​ల్లో ఈ ఘనత సాధించాడు.

ఈ సిరీస్​లో చాహల్ తన స్పిన్​తో బంగ్లాదేశ్ బౌలర్లు ఇబ్బంది పెట్టాడు. దిల్లీ టీ20లో రెండు వికెట్లు తీయగా.. రాజ్​కోట్ మరో రెండు వికెట్లు ఖాతాలో వేసుకున్నాడు. నాగ్​పుర్ వేదికగా జరిగన మ్యాచ్​లో ఓ వికెట్ తీశాడు చాహల్.

ఇదీ చదవండి: విజయంలో నా పాత్ర కూడా ఉంది: శ్రేయస్ అయ్యర్