భారత గడ్డపై ఎల్గర్ రికార్డు సెంచరీ

భారత్-దక్షిణాఫ్రికా మధ్య జరుగుతోన్న తొలి టెస్టులో సఫారీ ఓపెనర్ డీన్ ఎల్గర్ సెంచరీ చేశాడు. భారత పిచ్​లపై 2010 తర్వాత శతకం బాదిన సౌతాఫ్రికా ఆటగాడిగా రికార్డు సృష్టించాడు.

విశాఖపట్టణం వేదికగా జరుగుతోన్న భారత్-దక్షిణాఫ్రికా తొలి టెస్టులో సఫారీ బ్యాట్స్‌మ‌న్ డీన్‌ ఎల్గ‌ర్ శతకం బాదాడు. అయితే తొమ్మిదేళ్ల త‌ర్వాత ఇండియా పిచ్‌ల‌పై ఓ సౌతాఫ్రికా ప్లేయ‌ర్ టెస్టుల్లో సెంచ‌రీ చేయ‌డం ఇదే మొద‌టిసారి. 2010లో ఆమ్లా చివరిసారిగా భారత్​లో మూడంకెల స్కోర్ చేశాడు.

ఒక‌వైపు వికెట్లు ప‌డుతున్నా.. ఎల్గ‌ర్ మాత్రం భార‌త బౌల‌ర్ల‌ను ధీటుగా ఎదుర్కొన్నాడు. 74 వ్యక్తిగత పరుగుల వద్ద వృద్ధిమాన్ సాహా ఈ ఆటగాడి క్యాచ్ మిస్ చేయడం వల్ల బతికిపోయాడు. వచ్చిన లైఫ్​ను సద్వినియోగం చేసుకుని 160 పరుగుల భారీ స్కోర్ సాధించాడు. ఇందులో 18 ఫోర్లు, నాలుగు సిక్సులు ఉన్నాయి.

మూడో రోజు ఆటముగిసే సమయానికి దక్షిణాఫ్రికా 8 వికెట్ల నష్టానికి 385 పరుగులు చేసింది. ఎల్గర్​తో పాటు డికాక్ శతకంతో మెరిశాడు.
ఇవీ చూడండి.. జడేజా ఖాతాలో అరుదైన రికార్డు..