బాక్సింగ్​డే టెస్టు: ఉత్తమ ఆటగాడికి ముల్లాగ్​ మెడల్​

బాక్సింగ్​డే టెస్టులో ఉత్తమంగా రాణించిన ఆటగాడికి జానీ ముల్లాగ్​ మెడల్​ను బహుకరించనున్నట్లు క్రికెట్​ ఆస్ట్రేలియా (సీఏ) సోమవారం ప్రకటించింది. అంతర్జాతీయ క్రికెట్​లో ఆసీస్​ తరపున కెప్టెన్​గా వ్యవహరించిన జానీ ముల్లాగ్​ స్మారకంగా ఈ మెడల్​ను సీఏ ప్రదానం చేయనుంది.

టీమ్​ఇండియాతో జరగనున్న బాక్సింగ్​డే (రెండో) టెస్టులో 'ప్లేయర్​ ఆఫ్​ ది మ్యాచ్'కు​ జానీ ముల్లాగ్​ మెడల్​ను బహుకరించనున్నట్లు క్రికెట్​ ఆస్ట్రేలియా ప్రకటించింది. అంతర్జాతీయ క్రికెట్​లో ఆసీస్ తరపున కెప్టెన్​గా వ్యవహరించిన జానీ ముల్లాగ్​ స్మారకంగా ఆ మెడల్​ను సీఏ ప్రదానం చేయనుంది.

1868లో యునైటెడ్​ కింగ్​డమ్​ పర్యటనలో ఆస్ట్రేలియా జట్టుకు కెప్టెన్​గా వ్యవహరించాడు ముల్లాగ్. ఆస్ట్రేలియా తరపున ఆల్​రౌండర్​గా ఆకట్టుకుని 45 మ్యాచ్​లకు ప్రాతినిధ్యం వహించాడు. 1868లో జరిగిన యూకే పర్యటనలో 20 సగటుతో 1698 పరుగులు రాబట్టడం సహా 1877 ఓవర్లు బౌలింగ్​ చేసి అందులో 831 ఓవర్లను మెయిడిన్ చేయగలిగాడు. ఆ పర్యటనలో మొత్తంగా 245 వికెట్లను పడగొట్టిన ముల్లాగ్​.. ఒకేసారి పది వికెట్లను సాధించడం విశేషం. దీంతో పాటు వికెట్​కీపర్​గానూ వ్యవహరించిన ముల్లాగ్​.. తన కెరీర్​లో నాలుగు స్టంపింగ్స్​ చేశాడు.

ఇదీ చూడండి:కివీస్​తో తొలిటెస్టుకు బాబర్​, ఇమామ్​​ దూరం