ఆస్ట్రేలియా వేదికగా ఈ ఏడాది నిర్వహించనున్న పురుషుల టీ20 ప్రపంచకప్ సెమీఫైనల్స్కు రిజర్వ్డే అవసరమని క్రికెట్ ఆస్ట్రేలియా భావిస్తోంది. త్వరలో జరగబోయే ఐసీసీ కార్యనిర్వాహక కమిటీ సమావేశంలో పాల్గొననున్న క్రికెట్ ఆస్ట్రేలియా అధ్యక్షుడు కెవిన్ రాబర్ట్స్ ఈ విషయాన్ని అందరిముందు ప్రసావించనున్నారు.
ఇటీవల జరిగిన మహిళల టీ20 ప్రపంచకప్ సెమీస్లో రిజర్వ్డే లేకపోవడం వల్ల ఇంగ్లాండ్ జట్టు తీవ్రంగా నష్టపోయింది. మొదటి సెమీఫైనల్ రద్దవ్వటం వల్ల లీగ్ దశలో ఎక్కువ విజయాలు సాధించిన టీమిండియా తుదిపోరుకు చేరింది. ఈ పరిణామంతో నాకౌట్ దశలో రిజర్వ్డే అవసరమని పలువురు అభిప్రాయపడ్డారు.