టీమ్ఇండియా పేసర్ బుమ్రా అంటే.. విభిన్నమైన బౌలింగ్ శైలి.. గురి తప్పని యార్కర్లు.. పదునైన బౌన్సర్లు గుర్తుకొస్తాయి. తన పేస్తో ప్రత్యర్థి బ్యాట్స్మెన్ను ముప్పుతిప్పులు పెడతాడు ఈ ఫాస్ట్బౌలర్. కానీ అదే బుమ్రా స్పిన్నర్గా మారితే.. అనిల్ కుంబ్లేలా బంతిని గింగిరాలు తిప్పితే ఎలా ఉంటుంది? ఇదిగో ఇలా ఉంటుందంటూ బీసీసీఐ శనివారం ట్విట్టర్లో ఓ వీడియో పోస్టు చేసింది. అందులో కుంబ్లే బౌలింగ్ శైలిని అనుకరిస్తూ నెట్స్లో స్పిన్ వేస్తూ బుమ్రా కనిపించాడు. అచ్చం అలాగే బంతులేస్తూ కుంబ్లేను మరిపించాడు.
బుమ్రా.. కుంబ్లేలా బౌలింగ్ వేస్తే..!
విభిన్న బౌలింగ్ శైలితో ప్రత్యర్థి బ్యాట్స్మెన్లకు చుక్కలు చూపించే బుమ్రా.. స్పిన్ బౌలింగ్ వేస్తే.! అదీ భారత స్పిన్ దిగ్గజం కుంబ్లేను అనుకరిస్తే.! వినడానికే ఆసక్తికరంగా ఉంది కదూ. అయితే చూడండి మరి.
బుమ్రా.. కుంబ్లేలా బౌలింగ్ వేస్తే..!
"బుమ్రా భయపెట్టే యార్కర్లను, పదునైన బౌన్సర్లను మనం చూశాం. కానీ ఇప్పుడు మునుపెన్నడూ చూడని ఈ ఫాస్ట్బౌలర్ కొత్త అవతారాన్ని మీ ముందు ఉంచుతున్నాం. దిగ్గజ స్పిన్నర్ కుంబ్లే బౌలింగ్ శైలిని అనుకరించేందుకు బుమ్రా ప్రయత్నించాడు. అద్భుతంగా వేశాడు" అంటూ బీసీసీఐ వీడియో పోస్టు చేసింది. మైదానంలో కుంబ్లే బౌలింగ్తో నెట్స్లో బుమ్రా బౌలింగ్ను పోలుస్తూ ఆ వీడియో రూపొందించారు.
ఇదీ చదవండి:రహానె.. ఆ కేకును ఎందుకు కోయలేదంటే..?