భారత స్టార్ పేసర్ జస్ప్రీత్ బుమ్రా.. దాదాపు మూడు నెలల విరామం తర్వాత బరిలోకి దిగనున్నాడు. రంజీల్లో గుజరాత్ తరఫున ఆడనున్నాడు. సూరత్లో బుధవారం కేరళతో మ్యాచ్ జరగనుంది. ఇందులో ఆడి తన ఫిట్నెస్ నిరూపించుకోనున్నాడు.
ఈ ఏడాది వెస్టిండీస్తో టెస్టు సిరీస్ జరుగుతుండగా బుమ్రాను వెన్నునొప్పి బాధించింది. అనంతరం శస్త్రచికిత్స జరిగింది. దాదాపు 3 నెలలు విశ్రాంతి తీసుకున్నాడు. ఇప్పుడు గాయం నుంచి కోలుకున్నాడు. త్వరలో జరిగే శ్రీలంక, ఆస్ట్రేలియా సిరీస్ల కోసం తుదిజట్టులోకి ఎంపికయ్యాడు.