ప్రపంచ క్రికెట్లో ప్రస్తుతం అత్యంత తెలివైన బౌలర్ బుమ్రా అని పాక్ మాజీ పేసర్ షోయబ్ అక్తర్ చెప్పాడు. మహ్మద్ ఆమిర్తో పాటు బుమ్రాపై ప్రశంసలు కురిపించాడు.
"అతడు (బుమ్రా) చాలా తెలివైన బౌలర్. అయితే బుమ్రా, మహ్మద్ ఆమిర్, వసీం అక్రమ్ల కన్నా మహ్మద్ ఆసిఫ్ విధ్వంసకర బౌలర్. అతడి బౌలింగ్లో ఆడాలంటే బ్యాట్స్మెన్కు ఏడుపొచ్చేది. దిగ్గజాలు లక్ష్మణ్, డివిలియర్స్లే విలవిలలాడిపోయేవారు. ఆసిఫ్ తర్వాత అంత తెలివైన బౌలర్ ప్రస్తుతానికి బుమ్రానే" -షోయబ్ అక్తర్, పాక్ మాజీ పేసర్
ఇషాంత్, షమిల గైర్హాజరీతో భారత పేస్ దళాన్ని బుమ్రా ముందుండి నడిపిస్తున్నాడు. తొలి రెండు టెస్టుల్లో కలిపి 8 వికెట్లు తీశాడు. అతడి దూకుడు బౌలింగ్ లెంగ్త్లో ఉంటుందని, స్వభావంలో కాదని అక్తర్ చెప్పాడు.