శ్రీలంకతో జరుగుతోన్న రెండో టెస్టులో న్యూజిలాండ్ బౌలర్ ట్రెంట్ బౌల్ట్ అరుదైన రికార్డు సాధించాడు. కొలంబో వేదికగా జరుగుతోన్న ఈ మ్యాచ్లో 250వ వికెట్ను ఖాతాలో వేసుకున్నాడు. వేగంగా ఈ ఘనత అందుకున్న రెండో కివీస్ బౌలర్గా రికార్డు సృష్టించాడు. 64 టెస్టుల్లో 250 వికెట్లు తీశాడు.
ఓవర్నైట్ స్కోరు 93/3తోశుక్రవారం బరిలోకి దిగిన శ్రీలంకను ఆరంభంలోనే దెబ్బతీశాడు బౌల్ట్. ఆంజెలో మ్యాథ్యూస్ను ఔట్ చేసి 250వ వికెట్ను తన ఖాతాలో వేసుకున్నాడు. 245 వికెట్లతో సౌథి బౌల్ట్కు దగ్గరలో ఉన్నాడు.
బౌల్ట్ కంటే ముందు 1985లో సర్ రిచర్డ్ హాడ్లీ 53 టెస్టుల్లో 250 వికెట్లు తీశాడు. అత్యధిక వికెట్లు తీసిన కివీస్ బౌలర్లలో బౌల్ట్ మూడో స్థానంలో ఉన్నాడు. హాడ్లీ 431, డేనియల్ వెటోరీ 361 వికెట్లతో అతడి కంటే ముందున్నారు.
ప్రస్తుతం రెండో రోజు ఆట ముగిసే సమయానికి శ్రీలంక 6 వికెట్లు నష్టపోయి 144 పరుగులు చేసింది. కరుణరత్నే(65) అర్ధశతకంతో రాణించగా.. కుశాల్ మెండీస్(32) ఫర్వాలేదనిపంచాడు. ప్రస్తుతం క్రీజులో ధనంజయ డిసిల్వా(32), దిల్రువా పెరీరా(5) ఉన్నారు. బౌల్ట్, సౌథి చెరో రెండు వికెట్లతో ఆకట్టుకున్నారు.
ఇది చదవండి: 36 ఏళ్లనాటి రికార్డ్ బ్రేక్ చేసిన సాయి ప్రణీత్
