వచ్చే ఏడాది ఆస్ట్రేలియాలో జరిగే పురుషులు, మహిళల టీ20 ప్రపంచకప్ ట్రోఫీలను శుక్రవారం ఆవిష్కరించింది బాలీవుడ్ నటి కరీనా కపూర్. మెల్బోర్న్ క్రికెట్ మైదానంలో జరిగిన కార్యక్రమానికి ఈ ప్రముఖ నటి హాజరైంది. అక్కడ తీసుకున్న కొన్ని ఫొటోలను అభిమానులతో పంచుకుంది.
టీ20 ప్రపంచకప్లు ఆవిష్కరించిన కరీనాకపూర్ "టీ20 వరల్డ్‌కప్‌ ట్రోఫీలను ఆవిష్కరించడం నాకు దక్కిన గౌరవంగా భావిస్తున్నాను. ఆయా దేశాల జట్ల తరఫున ఆడుతున్న మహిళా క్రికెటర్లు తమ కలను నెరవేర్చుకుంటున్నందుకు అభినందనలు. అంతర్జాతీయ వేదికపై వారు మరింత రాణించాలి".
--కరీనా కపూర్, సినీ నటి
నటి కరీనా కపూర్... భారత మాజీ సారథి దివంగత మన్సూర్ అలీఖాన్ పటౌడీకి కోడలు కావడం విశేషం. వచ్చే ఏడాది ఫిబ్రవరి 21 నుంచి మార్చి 8 వరకు మహిళల ప్రపంచకప్, అక్టోబర్ 18 నుంచి నవంబర్ 15 వరకు పురుషుల ప్రపంచకప్ మ్యాచ్లను నిర్వహించనుంది ఐసీసీ.
కరీనా, అక్షయ్ కుమార్ కాంబినేషన్లో 'గుడ్ న్యూస్' అనే చిత్రం తెరకెక్కుతోంది. కియరా అడ్వాణీ, దిల్జీత్ కీలక పాత్రలు పోషిస్తున్నారు. దీనితో పాటు ఆమిర్ సరసన 'లాల్ సింద్ చద్దా'లోనూ నటిస్తోందీ అమ్మడు.
