టీమిండియా వికెట్ కీపర్, లెఫ్టినెంట్‌ కల్నల్‌ మహేంద్రసింగ్ ధోనీ క్రికెట్కు రెండు నెలలు విశ్రాంతి ప్రకటించిన సంగతి తెలిసిందే. ప్రస్తుతం భారత పారామిలటరీ విభాగంలో పనిచేస్తున్నాడు. దక్షిణ కశ్మీర్‌లోని పారా రెజిమెంట్‌ యూనిట్‌లో బాధ్యతల్ని నిర్వహిస్తున్నాడు. ఆగస్టు 15 వరకు అక్కడే సైనిక విధుల్లో పాల్గొంటాడు.
కశ్మీర్లో ప్రస్తుతం నెలకొన్న ఉద్రిక్త పరిస్థితుల కారణంగా ధోనీ భద్రతపై అభిమానులు ఆందోళన చెందుతున్నారు. అతడు మాత్రం సాధారణ సైనికుడిలా అక్కడ పనిచేస్తున్నాడు. ఈ విషయంపై భారత ఆర్మీ ఛీప్ బిపిన్ రావత్ స్పందించారు. ఎవరూ ఆందోళన చెందాల్సిన అవసరం లేదని స్పష్టం చేశారు.