వేసవి తాపాన్ని మరింత పెంచేందుకు ఐపీఎల్ 12వ సీజన్ సిద్ధమైంది. పొట్టి ఫార్మాట్లో మజా తీసుకొచ్చే ఈ టోర్నీ మార్చి 23వ ప్రారంభం కానుంది. ఈ 11 సీజన్లలో అత్యుత్తమ ఎకానమీ రేట్ కలిగిన బౌలర్లను ఒకసారి గమనిద్దాం.
టాప్ 5 - డెయిల్ స్టెయిన్
దక్షిణాఫ్రికా స్పీడ్ స్టార్ డెయిల్ స్టెయిన్ అత్యుత్తమ ఎకానమీ రేట్ సాధించిన బౌలర్లలో ఐదో స్థానంలో ఉన్నాడు. తరచూ గాయాలతో బాధపడే ఈ బౌలింగ్ సంచలనం ఎల్లప్పుడూ మెరుగైన ప్రదర్శనతో పునరాగమనం చేస్తుంటాడు. ఐపీఎల్లో కూడా మంచి ప్రదర్శనే కనబర్చాడు. రాయల్ ఛాలెంజర్స్ బెంగళూరు, దక్కన్ ఛార్జర్స్, సన్ రైజర్స్ హైదరాబాద్, గుజరాత్ లయన్స్కు ప్రాతినిధ్యం వహించాడు. మొత్తం 92 మ్యాచ్లు ఆడి 90 వికెట్లు, 6.72 ఎకానమీతో ఐపీఎల్లో ఐదో స్థానంలో ఉన్నాడు.
టాప్ 4 - రషీద్ ఖాన్
ఆప్ఘానిస్థాన్ యువ స్పిన్ సంచలనం రషీద్ ఖాన్. ఐపీఎల్లో అద్భుత ప్రదర్శనతో అదరగొడుతున్నాడు. వేగంగా బంతులు విసురుతూ బ్యాట్స్మెన్ను ఇబ్బంది పెట్టడంలో దిట్ట. వరుసగా వికెట్లు తీస్తూ చివరి ఓవర్లలో పరుగులు కట్టడి చేయగల సమర్థుడు. ఐపీఎల్లో 31 మ్యాచ్లు ఆడి 38 వికెట్లను తన ఖాతాలో వేసుకున్నాడు. ఎకానమీ రేట్ 6.68గా ఉంది.
టాప్ 3 - ముత్తయ్య మురళీధరన్
ఈ పేరు తెలియని క్రికెట్ అభిమాని ఉండడు. అంతర్జాతీయ టెస్టు క్రికెట్లో 800 వికెట్లు తీసిన ఏకైక బౌలర్. ఐపీఎల్లో కూడా అత్యుత్తమ ప్రదర్శన కనబర్చాడు. మూడు జట్లకు (చైన్నై సూపర్ కింగ్స్, కొచ్చి టస్కర్స్, రాయల్ ఛాలెంజర్స్ బెంగళూరు) ప్రాతినిధ్యం వహించాడు. మొత్తం 66 మ్యాచ్ల్లో 63 వికెట్లు తీసి 6.67 ఎకానమీ రేట్తో మూడో స్థానంలో ఉన్నాడు.