వైరల్​: బిగ్​బాష్ ​లీగ్​లో బ్యూటిఫుల్​ ప్రపోజల్

అడిలైడ్ స్ట్రైకర్స్ బౌలర్ అమాండా వెల్లింగ్టన్​కు వినూత్నంగా పెళ్లి ప్రతిపాదన చేశాడు ఆమె స్నేహితుడు టేలర్. మెల్​బోర్న్​పై విజయానంతరం అమండా దగ్గరకు వచ్చి అందరి ముందు ఈ ప్రస్తావన తెచ్చి ఆశ్చర్యపరిచాడు. ప్రస్తుతం ఈ వీడియో వైరల్​గా మారింది.

మహిళల బిగ్​బాష్​ లీగ్​లో శనివారం ఓ ఆసక్తికర సంఘటన చోటు చేసుకుంది. ఆస్ట్రేలియాలోని అడిలైడ్ వేదికగా మెల్​బోర్న్​ రెనేగేడ్స్​తో జరిగిన మ్యాచ్​లో అడిలైడ్ స్ట్రైకర్స్ ఆరు వికెట్ల తేడాతో గెలిచింది. ఈ విజయాన్నిఅందరూ ఆస్వాదిస్తుండగా.. ఆ జట్టు బౌలర్ అమాండా వెల్లింగ్టన్​కు పెళ్లి ప్రతిపాదన చేశాడు ఆమె స్నేహితుడు టేలర్. అక్కడున్నవారంతా ఆశ్చర్యపోయారు. ఈ వీడియో ట్విట్టర్​లో వైరల్​ అవుతోంది.

అమాండా వెల్లింగ్టన్ - టేలర్ చాలాకాలంగా స్నేహితులు. అయితే ఈ మ్యాచ్​ ముగిసిన తర్వాత మోకాళ్లపై వంగి ఆమె ముందు పెళ్లి ప్రస్తావన తెచ్చాడు టేలర్. ఉంగరం తొడిగాడు. వెంటనే అతడిని చుంబించి తన అంగీకారాన్ని తెలియజేసిందీ క్రికెటర్.

ఈ మ్యాచ్​లో మొదట బ్యాటింగ్ చేసిన మెల్​బోర్న్.. నిర్ణీత 20 ఓవర్లలో 7 వికెట్లు కోల్పోయి 117 పరుగులు చేసింది. అనంతరం బరిలో దిగిన అడిలైడ్ 15.2 ఓవర్లలో 4 వికెట్లు కోల్పోయి లక్ష్యాన్ని ఛేదించింది. సోఫీ డివైన్ 45 బంతుల్లో 72 పరుగులు చేసి మ్యాచ్​ను ఏకపక్షం చేసింది.

ఇదీ చదవండి: విరాట్​కు అచ్చిరాని సమీక్ష.. 9వ సారి నిరాశ!