దేశీయ ఆటగాళ్లు ఎవరైనా వారి వయసు విషయంలో మోసం చేస్తుంటే స్వచ్ఛందంగా ఒప్పుకోవాలని బీసీసీఐ సూచించింది. అలా చేసిన వారిని క్షమించేస్తామని స్పష్టం చేసింది. ఒకవేళ ఈ నిబంధన ఉల్లంఘించినట్లు తేలితే, రెండేళ్లు సస్పెండ్ చేయనున్నట్లు హెచ్చరించింది. 2020-21 సీజన్ నుంచి బోర్డు గ్రూప్ టోర్నీలో పాల్గొనే క్రికెటర్లందరికీ ఈ నిబంధన వర్తిస్తుందని తెలిపింది.
"పుట్టిన తేదీకి సంబంధించి నకిలీ పత్రాలను సృష్టించిన దేశీయ క్రికెటర్లు.. స్వచ్ఛందంగా ఒప్పుకుంటే ఎలాంటి శిక్ష విధించం. పుట్టిన తేదీని వెల్లడిస్తేనే గ్రూప్ లెవల్ టోర్నీలో పాల్గొనేందుకు అనుమతిస్తాం. ఇందుకోసం సంతకం చేసిన లేఖ/ మెయిల్తో పాటు ధ్రువపత్రాలను బీసీసీఐ ఏజ్ వెరిఫికేషన్ డిపార్ట్మెంట్కు సమర్పించాలి. వీటిని సెప్టెంబరు 15లోపు వెల్లడించాల్సి ఉంటుంది"