ఆదివారం జరిగిన నిర్ణయాత్మక మూడో వన్డేలో టీమిండియా ప్రదర్శనపై బీసీసీఐ అధ్యక్షుడు సౌరభ్ గంగూలీ ఆనందం వ్యక్తం చేశాడు. ఛేదనలో ఆల్రౌండర్ రవీంద్ర జడేజా అత్యుత్త్తమ ప్రదర్శనతో ఆకట్టుకున్నాడని దాదా అన్నాడు. గంగూలీతో పాటు ఇతర మాజీ ఆటగాళ్లు కూడా భారత జట్టును కొనియాడారు.
ఒత్తిడిని అధిగమించి విజయాన్ని సాధించిన టీమిండియాకు అభినందనలు. రవీంద్ర జడేజా బ్యాటింగ్లో చాలా మెరుగయ్యాడు. ఈ ఫామ్ను ఇలాగే కొనసాగించటం జట్టుకు చాలా అవసరం. -సౌరభ్ గంగూలీ,బీసీసీఐ అధ్యక్షుడు.
వన్డే సిరీస్ను గెలిచిన టీమిండియాకు అభినందనలు. జట్టు ప్రదర్శన అంతా బాగుంది. విజయాల పరంపరను ఇలాగే కొనసాగించండి. - సచిన్ తెందూల్కర్
టీమిండియాకు అభినందనలు. రోహిత్, రాహుల్, కోహ్లీ, జడేజా, శార్దూల్ ఠాకూర్ ఈ సిరీస్లో అత్యుత్తమ ప్రదర్శనతో ఆకట్టుకున్నారు. వెస్టిండీస్ జట్టు కూడా అద్భుతంగా ఆడింది. -హర్భజన్ సింగ్.
శార్దూల్ ఠాకూర్, రవీంద్ర జడేజా అద్భుతంగా పోరాడి టీమిండియాకు విజయాన్నందించారు. వెస్టిండీస్ జట్టు కూడా చివరి వరకు బాగా పోరాడింది. -వీవీఎస్ లక్ష్మణ్
ఆదివారం విండీస్తో జరిగిన మూడో వన్డేలో నెగ్గి 2-1 తేడాతో సిరీస్ కైవసం చేసుకుంది టీమిండియా. ఈ మ్యాచ్లో భారత్ విజయం దిశగా దూసుకెళ్తున్న సమయంలో 85 పరుగుల వ్యక్తిగత స్కోరు వద్ద అనూహ్యంగా కోహ్లీ ఔటయ్యాడు. ఆ తర్వాత క్రీజ్లోకి వచ్చిన శార్దూల్ ఠాకూర్, జడేజా అద్భుతంగా పోరాడి భారత్ను విజయతీరాలకు చేర్చారు.
ఇదీ చదవండి: పంత్కు ప్రత్యేక కోచింగ్ అవసరం: ఎమ్మెస్కే
