బీసీసీఐ వార్షిక కాంట్రాక్టు జాబితాలో ధోనీకి దక్కని చోటు

2019-2020 సీజన్ కోసం ఆటగాళ్ల వార్షిక కాంట్రాక్టు వివరాలను ప్రకటించింది బీసీసీఐ. టీమిండియా మాజీ కెప్టెన్ ధోనీకి ఇందులో చోటు లభించలేదు.

బీసీసీఐ గురువారం భారత జట్టు సీనియర్‌ ఆటగాళ్ల వార్షిక ఆదాయ ఒప్పందాల్ని ప్రకటించింది. ఈ జాబితాను నాలుగు భాగాలుగా విభజించారు. అక్టోబర్‌ 2019 నుంచి సెప్టెంబర్‌ 2020 వరకు ఈ ఒప్పందం అమల్లో ఉంటుంది. గ్రేడ్‌ ఏ ప్లస్ ఆటగాళ్లకు రూ.7 కోట్లు ఇవ్వనుండగా, గ్రేడ్‌ ఏ ఆటగాళ్లకి రూ.5 కోట్లు, గ్రేడ్‌ బి వారికి రూ.3 కోట్లు, గ్రేడ్‌ సి వారికి రూ.1 కోటి చొప్పున చెల్లించనున్నట్లు బీసీసీఐ వెల్లడించింది. ఈ జాబితాలో టీమిండియా మాజీ సారథి ధోనీ పేరు లేకపోవడం గమనార్హం. అతడి రిటైర్మెంట్ వార్తలకు ఇది మరింత బలాన్ని చేకూరిస్తోంది.

• గ్రేడ్-ఏ ప్లస్:

విరాట్ కోహ్లీ, రోహిత్ శర్మ, బుమ్రా

• గ్రేడ్ ఏ:

రవిచంద్రన్ అశ్విన్, రవీంద్ర జడేజా, భువనేశ్వర్ కుమార్, మహ్మద్ షమీ, పుజారా, కేఎల్ రాహుల్, రహానే, ధావన్, ఇషాంత్ శర్మ, కుల్దీప్ యాదవ్, రిషబ్ పంత్

• గ్రేడ్ బి:

వృద్ధిమాన్ సాహా, ఉమేష్ యాదవ్, యుజువేంద్ర చాహల్, హార్దిక్ పాండ్య, మయాంక్ అగర్వాల్,

• గ్రేడ్ సి:

కేదార్ జాదవ్, నవదీప్ సైనీ, దీపక్ చాహర్, మనీష్ పాండే, హనుమ విహారీ, శార్దూల్ ఠాకూర్, శ్రేయస్ అయ్యర్, వాషింగ్టన్ సుందర్