ఆస్ట్రేలియా వేదికగా జరుగుతోన్న బిగ్బాష్ లీగ్లో క్రిస్ లిన్ విధ్వంసకర ప్రదర్శన చేశాడు. బ్రిస్బేన్ హీట్కు కెప్టెన్గా ఉన్న లిన్.. ఆదివారం సిడ్నీ సిక్సర్స్తో జరిగిన మ్యాచ్లో 35 బంతుల్లో 94 పరుగులు చేశాడు. ఇందులో 11 సిక్సర్లు, 4 ఫోర్లు ఉన్నాయి. స్ట్రయిక్ రేట్ 268.57గా నమోదైంది. ఇతడి ధాటికి నిర్ణీత 20 ఓవర్లలో 209 పరుగులు చేసింది బ్రిస్బేన్ జట్టు. ఈ క్రమంలో లీగ్లో 2వేల పరుగులు చేసిన తొలి బ్యాట్స్మన్గా చరిత్ర సృష్టించాడు లిన్.
బిగ్బాష్ లీగ్: 11 సిక్సర్లతో చెలరేగిన క్రిస్లిన్
ఐపీఎల్-2020 వేలంలో ఎంపికైన తర్వాత తన విధ్వంసకర ఇన్నింగ్స్ను రుచి చూపిస్తున్నాడు క్రిస్ లిన్. ప్రస్తుతం జరుగుతోన్న బిగ్బాష్ లీగ్లో విశ్వరూపం ప్రదర్శిస్తున్నాడు. గత ఐపీఎల్ సీజన్లో నిలకడ లేమి కారణంగా కోల్కతా నైట్రైడర్స్ ఇతడిని విడిచిపెట్టేసింది. అయితే డిసెంబర్ 19న జరిగిన వేలంలో ఈ స్టార్ హిట్టర్ను కనీస ధర 2 కోట్లకు కొనుక్కుంది ముంబయి జట్టు.
బిగ్బాష్ లీగ్: 11 సిక్సర్లతో చెలరేగిన క్రిస్లిన్
వేలంలో కనీస ధర...
ఈ నెల 19న కోల్కతా వేదికగా జరిగిన ఐపీఎల్ 13వ సీజన్ వేలంలో.. లిన్ను కనీస ధర రూ.2 కోట్లకు దక్కించుకుంది ముంబయి ఇండియన్స్. గతంలో రూ. 9.6 కోట్లకు కొనుగోలు చేసిన కోల్కతా నైట్రైడర్స్.. ఈ వేలం ముందు అనూహ్యంగా అతడిని వదులుకుంది. ఐపీఎల్ 2018, 2019 సీజన్లో ఆ జట్టు టాప్ స్కోరర్లలో ఒకడిగా నిలిచిన క్రిస్ లిన్ను వదులుకోవడంపై అభిమానులే కాకుండా యువరాజ్ లాంటి క్రికెటర్లూ ఆశ్చర్యపోయారు.
Last Updated : Dec 22, 2019, 5:40 PM IST