కర్ర సాము కాంటెస్ట్​.. భజ్జీ అదరగొట్టేశాడు

చెన్నై సూపర్​కింగ్స్​ ఆటగాళ్లు మ్యాచ్​ తర్వాత ఖాళీ సమయాల్లో సరదాగా గడుపుతుంటారు. ఈ రోజు ఓ చిన్నపాటి కర్రసాము పోటీ నిర్వహించుకున్నారు. ఇందులో బౌలర్​ హర్భజన్​ సింగ్​ తనదైన శైలిలో అందరినీ మెప్పించాడు.

చెన్నై ఆటగాళ్లు తమలోని కళను ప్రదర్శించేందుకు ప్రయత్నించారు. వీరిలో హర్భజన్​ ఆకట్టుకున్నాడు. బంతినే గింగిరాలు తిప్పడం కాదు కర్రనూ తిప్పగలనంటూ కర్రసాము చేసి చూపించాడు. మొదట ఒంటి చేత్తో కర్రసాము చేసిన భజ్జీ.. తర్వాత రెండు చేతులతోనూ కర్రను తిప్పుతూ అలరించాడు.

ఇటీవల గాయంతో బాధపడి ఆటకు దూరమైన బ్రావో.. సహ ఆటగాడికి హెయిర్​ స్టయిలిస్ట్​గా కనువిందు చేశాడు. ఇలాంటి ఖాళీ సమయాల్లో బృందంగా ఏర్పడి సరదాగా గడుపుతుంటారు ఆటగాళ్లు. అంతే కాకుండా వారితో పాటు కుటుంబ సభ్యులను వెంట తీసుకెళ్తూ సందడి చేస్తుంటారు.