కోహ్లీ, ఆమ్లా రికార్డును బ్రేక్​ చేసిన బాబర్​

పాకిస్థాన్ కెప్టెన్ బాబర్ అజామ్​ సరికొత్త రికార్డును నమోదు చేశాడు. వన్డేల్లో వేగంగా 13 సెంచరీలు చేసిన ఆటగాడిగా నిలిచాడు. ఈ క్రమంలో ప్రోటీస్ మాజీ క్రికెటర్ హషీమ్​ ఆమ్లాతో పాటు టీమ్​ఇండియా సారథి విరాట్ కోహ్లీల రికార్డును అధిగమించాడు.

పాకిస్థాన్ కెప్టెన్ బాబర్ అజామ్​ మరో రికార్డును తన ఖాతాలో వేసుకున్నాడు. వన్డేల్లో వేగంగా 13 సెంచరీలు చేసిన బ్యాట్స్​మెన్​గా సరికొత్త ఫీట్ సాధించాడు. ఈ క్రమంలో దక్షిణాఫ్రికా మాజీ క్రికెటర్​ హషీమ్​ ఆమ్లాతో పాటు, భారత కెప్టెన్​ విరాట్​ కోహ్లీని దాటేశాడు​.

78 వన్డేలు ఆడిన బాబర్​ కేవలం 76 ఇన్నింగ్స్​లోనే ఈ ఘనత సాధించాడు. 13 శతకాలు చేయడానికి ఆమ్లాకు 83 ఇన్నింగ్స్​ పట్టగా.. కోహ్లీ 86 ఇన్నింగ్స్​లో చేరుకున్నాడు.

దక్షిణాఫ్రికాతో జరిగిన వన్డేలో పాకిస్థాన్ 3 వికెట్ల తేడాతో గెలుపొందింది. బాబర్​ సెంచరీతో మూడు వన్డేల సిరీస్​లో 1-0 ఆధిక్యంలోకి దూసుకెళ్లింది పాక్.

ఇదీ చదవండి:వాంఖడే స్టాఫ్​కు కొవిడ్​.. ఐపీఎల్​కు ముందు కలవరం