ప్రాణాంతక కరోనాను అరికట్టటంలో భాగంగా సెలబ్రిటీలు, క్రికెటర్లు, ఇతర ప్రముఖులు తమ వంతు సాయమందిస్తున్నారు. ఈ నేపథ్యంలోనే తన వంతు విరాళం అందించేందుకు ముందుకొచ్చాడు పాకిస్థాన్ క్రికెటర్ అజహర్ అలీ. వెస్టిండీస్పై త్రిశతకం చేసిన బ్యాట్, ఛాంపియన్స్ ట్రోఫీలో విజేతగా నిలిచినప్పటి జెర్సీని ఈ వేలంలో ఉంచాడు. వాటి కనీస ధర రూ.10 లక్షలుగా నిర్ణయించాడు. అందుకు సంబంధించిన వీడియోను ట్వీట్ చేశాడు.
కరోనా కట్టడి కోసం ట్రిపుల్ సెంచరీ బ్యాట్ వేలం - azhar ali latest news
కరోనాను అడ్డుకునేందుకు తనకెంతో ఇష్టమైన బ్యాట్, జెర్సీని వేలానికి ఉంచాడు పాక్ క్రికెటర్ అజహర్ అలీ. తద్వారా వచ్చిన డబ్బును వైరస్ కట్టడికి వినియోగిస్తానని అన్నాడు.
"నాకు ఎంతో ఇష్టమైన రెండు వస్తువులు వేలానికి పెడుతున్నా. ఇందులో ట్రిపుల్ సెంచరీ చేసిన బ్యాట్తో పాటు ఛాంపియన్స్ ట్రోఫీలోని జట్టు సభ్యుల సంతకాలతో కూడిన జెర్సీ ఉంది. ఈ రెండింటి ప్రాథమిక ధరను రూ.1 మిలియన్ పాకిస్థానీ రూపాయలుగా నిర్ణయించా. మే 5 వరకు వేలం కొనసాగుతుంది. ఆ తర్వాత వచ్చిన డబ్బును కొవిడ్-19 కట్టడికి వినియోగిస్తా" -అజహర్ అలీ, పాక్ క్రికెటర్
2016లో యూఏఈ వేదికగా వెస్టిండీస్తో జరిగిన డే అండ్ నైట్ టెస్టులో త్రిశతకం చేశాడు అజహర్ అలీ. తద్వారా ఈ ఫార్మాట్లో తొలి త్రిశతకం చేసిన బ్యాట్స్మన్గా రికార్డు సృష్టించాడు.