అద్భుతంగా క్యాచ్​ పట్టిన ఆస్ట్రేలియా క్రికెటర్

ఆస్ట్రేలియా వికెట్​కీపర్ అలెక్స్​ కారే పట్టిన క్యాచ్ వైరల్​ అవుతోంది. ఇతడిని ఆసీస్ టెస్టు జట్టులోకి తీసుకోవాలని కోరుతున్నారు నెటిజన్లు.

ఆస్ట్రేలియా వికెట్ కీపర్ అలెక్స్ కారే.. అద్భుతంగా క్యాచ్​ పట్టిన ఓ వీడియో ఆకట్టుకుంటోంది. దేశవాళీ టోర్నీ షెఫీల్డ్ షీల్డ్​లో క్వీన్స్​ల్యాండ్​తో జరిగిన మ్యాచ్​లో ఈ సంఘటన జరిగింది.

క్వీన్స్​లాండ్ ఓపెనర్ మ్యాట్​ రెన్​షా.. లెగ్​సైడ్ పడిన బంతిని ఫ్లిక్ చేయగా.. కుడి వైపు డైవ్ చేస్తూ అద్భుతమైన క్యాచ్​ అందుకున్నాడు కారే. సహ ఆటగాళ్లతో పాటు వీక్షకులు ఆశ్చర్యపోయారు.

ఈ క్యాచ్​ను చూసిన నెటిజన్లు విశేషంగా స్పందిస్తున్నారు. ప్రస్తుత సారథి టిమ్​ పైన్​కు బదులు కారేకు టెస్టు జట్టులో కీపింగ్ బాధ్యతలు అప్పగించాలని సూచిస్తున్నారు.

ఇవీ చూడండి.. 'అజహర్, బాబర్​కు అభినందనలు.. అందరికీ కృతజ్ఞతలు'