బంతికి శానిటైజర్.. ఆసీస్ బౌలర్ సస్పెండ్!

ఆస్ట్రేలియా పేసర్​ మిచ్​ క్లేడాన్​ను ససెక్స్ కౌంటీ క్లబ్ సస్పెండ్​ చేసింది. ఇటీవలే జరిగిన మ్యాచ్​లో బంతికి శానిటైజర్​ ఉపయోగించాడన్న ఆరోపణల కింద ఈ నిర్ణయం తీసుకుంది.

ఆస్ట్రేలియా పేసర్​ మిచ్​ క్లేడాన్​ బంతికి శానిటైజర్​ ఉపయోగించాడని ఇటీవలే ఆరోపణలు వచ్చాయి. దీనిపై విచారణలో భాగంగా ససెక్స్ కౌంటీ క్లబ్ అతడిని సస్పెండ్​ చేసింది. ఆగస్టులో మిడిల్​సెక్స్​ జట్టుతో జరిగిన మ్యాచ్​లో ఈ ఘటన చోటుచేసుకున్నట్లు అధికారులు తెలిపారు. ఇందులో క్లేడాన్​.. మూడు వికెట్లు దక్కించుకున్నాడు.

కరోనా వ్యాప్తి నేపథ్యంలో క్రికెట్​లో కఠినమైన నిబంధనలు​ విధించారు అధికారులు. బంతి మెరుపు కోసం లాలాజలం ఉపయోగాన్ని నిషేధించారు.