ఈ ఏడాది టెస్టుల్లో అత్యధిక వ్యక్తిగత పరుగులు చేసిన బ్యాట్స్మన్ ఎవరో తెలుసా? ఏముంది.. విరాట్ కోహ్లీనో, స్టీవ్ స్మిత్ అయి ఉంటాడో అనుకుంటున్నారా! వీళ్లెవరూ కాదు.. ఆస్ట్రేలియా ఆటగాడు మార్నస్ లబుషేన్.. ఈ ఘనత సాధించాడు. 2019లో 779 పరుగులు చేసి కోహ్లీ, స్మిత్ను అధిగమించాడు.
778 పరుగులతో స్టీవ్ స్మిత్ ఈ జాబితాలో రెండో స్థానంలో నిలిచాడు. ఇటీవల రెండు డబుల్ శతకాలతో ఆకట్టుకున్న మయాంక్ అగర్వాల్ 754 పరుగులతో మూడో స్థానంలో ఉన్నాడు. బెన్ స్టోక్స్, అజింక్య రహానే తర్వాతి స్థానాల్లో నిలిచారు. 612 పరుగులతో విరాట్ కోహ్లీ ఈ జాబితాలో 7వ స్థానంతో సరిపెట్టుకున్నాడు.