ఆదివారం జరిగిన రెండో టీ20లో.. టీమ్ఇండియా బ్యాట్స్మన్ శిఖర్ ధావన్- ఆస్ట్రేలియా వికెట్ కీపర్ మాథ్యూ వేడ్ మధ్య ఆసక్తికర సంభాషణ జరిగింది. దీనికి సంబంధించిన వీడియో వైరల్గా మారింది.
ఏం జరిగిందంటే?
ఈ మ్యాచ్‌లో ధావన్ను స్టంపౌట్ చేసే అవకాశాన్ని వేడ్ చేజార్చాడు. స్పిన్నర్ స్వెప్సన్ బౌలింగ్‌లో ఓ కాలు క్రీజు బయట పెట్టిన గబ్బర్ బంతిని కట్ చేయబోయాడు. కానీ అది చాలా దూరంగా వెళ్లడం వల్ల షాట్ మిస్సయ్యాడు. ఈ క్రమంలోనే అతడు బ్యాలెన్స్ కోసం క్రీజు లోపల ఉంచిన పాదాన్ని పైకి లేపగా.. వికెట్ల వెనుక ఉన్న వేడ్ .. వెంటనే బంతిని అందుకొని వికెట్లను గిరాటేశాడు. కానీ అప్పటికే ధావన్ క్రీజులో పాదాన్ని మోపాడు.