ప్రపంచ టెస్టు ఛాంపియన్షిప్ పాయింట్ల పట్టికలో టాపర్గా నిలిచింది ఆస్ట్రేలియా. తాజాగా ఐసీసీ ప్రకటించిన జాబితాలో భారత్ రెండోస్థానానికి పడిపోయింది. భారత్కు ఎక్కువ పాయింట్లు ఉన్నప్పటికీ విజయాల శాతం ఆధారంగా కంగారూ జట్టుకే అగ్రపీఠం దక్కింది. ఈ నేపథ్యంలో త్వరలో జరగనున్న ఆసీస్-భారత్ సిరీస్ మరింత రసవత్తరంగా మారనుంది.
టెస్టు ఛాంపియన్షిప్ పట్టికలో అగ్రస్థానానికి ఆసీస్ - టెస్టు ఛాంపియన్షిప్ తాజా న్యూస్
ఆస్ట్రేలియాతో టెస్టు సిరీస్ ముంగిట భారత్కు షాక్ తగిలింది. ఐసీసీ టెస్టు ఛాంపియన్షిప్ పాయింట్ల పట్టికలో భారత్ రెండోస్థానానికి చేరింది. గెలుపు శాతం ఆధారంగా ఆసీస్ అగ్రపీఠం దక్కించుకుంది. ఈ మేరకు తాజాగా ఐసీసీ అధికారిక ప్రకటన చేసింది.
టెస్టు ఛాంపియన్షిప్ పాయింట్లలో ఆసీస్కే అగ్రపీఠం
ప్రస్తుతం ఆస్ట్రేలియా (296 పాయింట్లు, గెలుపు శాతం 82.22 ), భారత్ (360 పాయింట్లు, 75%), ఇంగ్లాండ్‌ (292 పాయింట్లు, 60.83%), న్యూజిలాండ్ (180 పాయింట్లు, 50%), పాకిస్థాన్‌ (166 పాయింట్లు, 39.52%) తొలి అయిదు స్థానాల్లో ఉన్నాయి. విజయాల శాతం ఆధారంగానే ఫైనల్‌కు జట్లు అర్హత సాధించనున్నాయి.
టెస్టుల ర్యాంకింగ్లో తొమ్మిది అగ్రశ్రేణి జట్లు, రెండేళ్లలో ఆరు సిరీస్లు ఆడాల్సి ఉంది. ప్రతి సిరీస్కు గరిష్టంగా 120 పాయింట్లను లెక్కిస్తారు. సిరీస్లోని మ్యాచ్ల సంఖ్య ఆధారంగా పాయింట్ల పంపిణీ జరిగేది. అయితే కరోనా నేపథ్యంలో పలు సిరీస్లు రద్దయ్యాయి. ఈ నేపథ్యంలో నిబంధనల్లో మార్పుల ప్రకారం అధిక విజయాల శాతం కలిగిన టాప్-2 జట్లే.. వచ్చే ఏడాది జూన్లో లార్డ్స్ వేదికగా ఫైనల్ ఆడనున్నాయి. గెలిచిన జట్టు ప్రపంచ ఛాంపియన్షిప్ విజేత‌గా నిలుస్తుంది.