భారత బౌలర్లు భళా.. ఆస్ట్రేలియా 195 ఆలౌట్

బాక్సింగ్ డే టెస్టు తొలి ఇన్నింగ్స్​లో ఆతిధ్య ఆసీస్​ 195 పరుగులకే ఆలౌట్ అయింది. బుమ్రా 4 వికెట్లు తీసి ఆకట్టుకున్నాడు. ఈ మ్యాచ్​తోనే సిరాజ్, గిల్.. భారత్ తరఫున టెస్టు అరంగేట్రం చేశారు.

ఆస్ట్రేలియాతో రెండో టెస్టులో భారత బౌలర్లు అదరగొట్టారు. దీంతో ఆతిథ్య ఆసీస్​ 195 పరుగులకే ఆలౌట్​ అయింది. లబుషేన్ అత్యధికంగా 48 పరుగులు చేశాడు. మెల్​బోర్న్ వేదికగా ఈ మ్యాచ్​ జరుగుతోంది.

టాస్ గెలిచి బ్యాటింగ్ ఎంచుకున్న ఆస్ట్రేలియా తొలి ఇన్నింగ్స్ ఆచితూచి ఆడింది. దీంతో తక్కువ పరుగుల వ్యవధిలోనే వరుసగా వికెట్లు కోల్పోయింది. లబుషేన్ 48, హెడ్ 38, వేడ్ 30, గ్రీన్ 12, పైన్ 13 మినహా అందరూ సింగిల్​ డిజిట్​కే పరిమితమయ్యారు. భారత బౌలర్లలో బుమ్రా 4, అశ్విన్ 3, సిరాజ్ 2, జడేజా ఓ వికెట్ తీశాడు.

గత కొన్నిరోజుల క్రితం మరణించిన ఆసీస్ దిగ్గజ క్రికెటర్ డీన్ జోన్స్​కు టీ విరామం సమయంలో నివాళి అర్పించారు. ఆయన టోపీ, బ్యాట్, కళ్లజోడును తీసుకొచ్చి, వికెట్ల దగ్గర పెట్టారు. ఈ ఫొటోను ఐసీసీ తన సోషల్ మీడియాలో పంచుకుంది.

మెల్​బోర్న్ క్రికెట్ మైదానంలో దిగ్గజ డీన్ జోన్స్​కు నివాళి