ఆసీస్ దిగ్గజ బౌలర్ షేన్ వార్న్ అరుదైన ఘనత అందుకున్నాడు. తను ధరించే బ్యాగీ గ్రీన్ క్యాప్ను వేలానికి పెట్టగా.. క్రికెట్ చరిత్రలో అత్యంత రికార్డు స్థాయి ధర అందుకుంది. ఆ టోపీని దాదాపు రూ.3.70 కోట్లకు కొనుగోలు చేసేందుకు సిడ్నీకి చెందిన ఓ వ్యక్తి ముందుకొచ్చాడు. ఫలితంగా ఇంత భారీ ధరకు అమ్ముడుపోయిన ఓ క్రికెటర్ వస్తువుగా రికార్డు సృష్టించింది. తాజా రికార్డుతో ఆ దేశ దిగ్గజ క్రికెటర్ సర్‌ డొనాల్డ్‌ బ్రాడ్మన్ బ్యాగీ గ్రీన్ వేలం ధర రెండోస్థానానికి పడిపోయింది. గతంలో బ్రాడ్మన్ టోపీ రూ. 3 కోట్ల 2 లక్షలకు పైగా ధరకు అమ్ముడుపోయింది.
ఈ జాబితాలో మూడో స్థానంలో ఎంఎస్‌ ధోనీ బ్యాట్ నిలిచింది. 2011 వరల్డ్‌కప్‌ ఫైనల్లో మహీ ఆడిన బ్యాట్‌ను వేలం వేయగా.. దాని విలువ సుమారు రూ.కోటి పలికింది.