మెల్​బోర్న్​లో హిట్​మ్యాన్ ప్రాక్టీస్ షురూ

బుధవారం టీమ్​ఇండియాతో కలిసిన ఓపెనర్​ రోహిత్​ శర్మ.. గురువారం మెల్​బోర్న్​లో తన సహచరులతో కలిసి ప్రాక్టీసును మొదలుపెట్టాడు. హిట్​మ్యాన్​ ప్రాక్టీసు చేస్తోన్న ఫొటోలను బీసీసీఐ సామాజిక మాధ్యమాల్లో షేర్​ చేసింది.

సిడ్నీలో నిర్బంధాన్ని పూర్తి చేసుకుని బుధవారం జట్టుతో కలిసిన రోహిత్​శర్మ.. గురువారం నుంచి నెట్​ ప్రాక్టీస్​లో పాల్గొన్నాడు. 'హిట్​మ్యాన్​ ఇంజిన్​ ఇప్పుడే స్టార్ట్​ అయ్యింది' అని బీసీసీఐ పోస్టు పెడుతూ.. ప్రాక్టీసులోని రోహిత్​ ఫొటోలను పంచుకుంది.

ఆస్ట్రేలియాతో జరగనున్న సిడ్నీ, బ్రిస్బేన్​ రెండు టెస్టుల్లో రోహిత్​శర్మకు ఆడే అవకాశం దక్కనుంది. దీంతో హిట్​మ్యాన్​ నెట్స్​లో తీవ్రంగా శ్రమిస్తున్నాడు. ఇటీవలే గాయం నుంచి కోలుకున్న రోహిత్​ను బీసీసీఐ మెడికల్​ స్టాఫ్​ ప్రత్యేకంగా పర్యవేక్షిస్తున్నారు.

ఆస్ట్రేలియా పర్యటనలోని నాలుగు టెస్టుల సిరీస్​లో భారత్​, ఆసీస్​ చెరో మ్యాచ్​లో విజయం సాధించి.. సిరీస్​ను సమం చేశాయి. సిడ్నీ వేదికగా మూడో మ్యాచ్​ జనవరి 7న ప్రారంభం కానుంది.

ఇదీ చూడండి:ఆసీస్​తో టెస్టు సిరీస్​ నుంచి ఉమేశ్ ఔట్!