చెన్నై టెస్ట్లో 5 వికెట్లతో ఆకట్టుకున్న భారత స్పిన్నర్ రవిచంద్రన్ అశ్విన్ మరో రికార్డును సొంతం చేసుకున్నాడు. సొంతగడ్డపై అత్యధిక వికెట్లు తీసిన టీమ్ఇండియా ఆటగాళ్లలో మాజీ స్పిన్నర్ హర్భజన్ సింగ్(265)ను వెనక్కి నెట్టి.. రెండో స్థానానికి ఎగబాకాడు. ఈ మ్యాచ్లో బెన్స్టోక్స్ను ఔట్ చేసి ఈ ఫీట్ సాధించాడు అశ్విన్. భజ్జీ 28.76 సగటుతో ఈ ఘనత దక్కించుకోగా.. అశ్విన్ కేవలం 22.67(266 వికెట్లు)సగటుతోనే ఈ రికార్డును అందుకోవడం విశేషం.
చెన్నై టెస్ట్లో అశ్విన్ మరో రికార్డు
ఇంగ్లండ్తో జరుగుతున్న రెండో టెస్ట్లో భారత స్పిన్నర్ మరో మైలురాయిని అందుకున్నాడు. స్వదేశీ గడ్డపై అత్యధిక వికెట్లు తీసిన భారత్ బౌలర్లలో మాజీ స్పిన్నర్ హర్భజన్ను వెనక్కినెట్టి.. రెండో స్థానానికి చేరాడు.
చెన్నై టెస్ట్లో అశ్విన్ మరో రికార్డు
ఈ జాబితాలో 350 వికెట్ల(సగటు 24.88)తో అగ్రస్థానంలో ఉన్నాడు మాజీ దిగ్గజ స్పిన్నర్ అనిల్ కుంబ్లే. ఓవరాల్గా 619 వికెట్లు నేలకూల్చిన కుంబ్లే.. అత్యధిక వికెట్లు పడగొట్టిన తొలి భారత బౌలర్గా నిలిచాడు. ఆ తర్వాతి స్థానాల్లో కపిల్ దేవ్-434, హర్భజన్-417 ఉన్నారు. ఇప్పటికే 400 వికెట్లకు చేరువైన అశ్విన్.. ప్రస్తుత ఫామ్ ప్రకారం చూస్తే త్వరలోనే భజ్జీ, కపిల్ను అధిగమించేందుకు ఎక్కువ కాలం పట్టకపోవచ్చు.
ఇదీ చదవండి:చెన్నై టెస్ట్లో తిప్పేసిన భారత్- ఇంగ్లండ్ 134 ఆలౌట్