భారత ఆఫ్ స్పిన్నర్ రవిచంద్రన్ అశ్విన్ మరో రికార్డు తన ఖాతాలో వేసుకున్నాడు. అన్ని ఫార్మాట్లలో కలిపి అత్యధిక వికెట్లు తీసుకున్న భారత బౌలర్ల జాబితాలో యాష్.. నాలుగో స్థానంలో నిలిచాడు. తాజాగా అతడు జహీర్ ఖాన్ను అధిగమించాడు.
నరేంద్ర మోదీ స్టేడియంలో ఇంగ్లాండ్తో జరిగిన మూడో టెస్టులో మూడు వికెట్లు తీసిన ఈ ఆఫ్ స్పిన్నర్.. మొత్తం వికెట్ల సంఖ్య 599కి పెంచుకున్నాడు. జహీర్ 597 వికెట్లతో అశ్విన్ తర్వాత స్థానంలో ఉన్నాడు. 28వ ఓవర్లో ఒల్లీ పోప్ వికెట్ తీయడం ద్వారా ఈ ఫీట్ను అందుకున్నాడు యాష్.