యాషెస్​: 67 పరుగులకే ఇంగ్లాండ్ ఆలౌట్​

లీడ్స్ వేదికగా జరుగుతోన్న యాషెస్ మూడో టెస్టులో ఇంగ్లాండ్ 67పరుగులకే ఆలౌటైంది. ఆస్ట్రేలియా బౌలర్లు హజిల్​వుడ్ 5, కమిన్స్ 3 వికెట్లతో విజృంభించారు. అనంతరం రెండో ఇన్నింగ్స్​ మొదలు పెట్టిన ఆసీస్​ 3 వికెట్ల నష్టానికి 61 పరుగులు చేసింది.

యాషెస్​ సిరీస్​ మూడో టెస్టు మ్యాచ్ రసవత్తరంగా మారుతోంది. తొలి ఇన్నింగ్స్​లో ఆస్ట్రేలియా 179 పరుగులకే ఆలౌట్​కాగా.. అనంతరం బ్యాటింగ్​కు దిగిన ఇంగ్లాండ్​ 67 పరుగులకే కుప్పకూలింది. లీడ్స్ వేదికగా జరుగుతున్న ఈ మ్యాచ్​లో ఆసీస్ బౌలర్లు హజిల్​వుడ్ 5, ప్యాట్​ కమిన్స్​ 3, ప్యాటిన్సన్ 2 వికెట్లతో ఇంగ్లీష్​ బ్యాట్స్​మెన్​కు బంతులతో నిప్పులు చెరిగారు.

ఆసీస్ బౌలర్ల దెబ్బకు ఇంగ్లాండ్​ బ్యాట్స్​మెన్ పెవిలియన్​కు క్యూ కట్టారు. జోయ్​డిన్లే 12 పరుగులే అత్యధిక స్కోరంటే ఇంగ్లీష్ జట్టు పతనం ఏ రకంగా సాగిందో అర్థం చేసుకోవచ్చు. మిగిలిన బ్యాట్స్​మెన్ సింగిల్​ డిజిట్​ స్కోరుకే పరిమితమయ్యారు.

రెండో ఇన్నింగ్స్​ మొదలు పెట్టిన ఆసీస్ ఆరంభంలోనే తడబడింది. జట్టు స్కోరు 10 పరుగుల వద్ద వార్నర్ వికెట్(0) కోల్పోయింది. కాసేపటికే మార్కస్ హ్యారీస్(19), ఉస్మాన్ ఖవాజా(23) వికెట్ల కోల్పోయింది. ప్రస్తుతం క్రీజులో మార్నస్, ట్రేవిస్ హెడ్ ఉన్నారు. 3 వికెట్ల నష్టానికి 61 పరుగులతో ఆసీస్ బ్యాటింగ్ కొనసాగిస్తోంది.

ఇది చదవండి: 36 ఏళ్లనాటి రికార్డ్ బ్రేక్​ చేసిన సాయి ప్రణీత్