యాషెస్ నాలుగో టెస్టులో ఆస్ట్రేలియా విజయం దిశగా దూసుకువెళ్తోంది. రెండో ఇన్నింగ్స్లో 383 పరుగుల భారీ లక్ష్యాన్ని ఇంగ్లాండ్ ముందుంచింది. నాలుగో రోజు ఆట ముగిసే సమయానికి ఇంగ్లీష్ జట్టు 18 పరుగులకే రెండు వికెట్లు కోల్పోయి పోరాడుతోంది. అంతకు ముందు కంగారూ బ్యాట్స్మన్ స్టీవ్ స్మిత్(82) అర్ధశతకంతో మరోసారి ఆదుకున్నాడు. ఫలితంగా 186/6 స్కోరు వద్ద ఆసీస్ డిక్లేర్ ఇచ్చింది. ఇంగ్లాండ్ గెలవాలంటే ఐదో రోజు 365 పరుగులు చేయాలి. చేతిలో 8 వికెట్లు ఉన్నాయి.
ఓవర్ నైట్ స్కోరు 200/5 వద్ద శనివారం బ్యాటింగ్ కొనసాగించిన ఇంగ్లాండ్ మరో వంద పరుగుల చేసి 301 పరుగులకు ఆలౌటైంది. స్టోక్స్(26), బెయిర్ స్టో(17) త్వరగా ఔట్ కావడం వల్ల తక్కువ పరుగులకే పరిమితమైంది. చివర్లో బట్లర్ 41 పరుగులతో పోరాడిన కారణంగా ఇంగ్లాండ్ ఆ మాత్రం స్కోరైనా చేయగలిగింది.