జాతీయ క్రీడా దినోత్సవం సందర్భంగా క్రీడాకారులకు అత్యున్నత పురస్కారాలు ప్రదానం చేసింది భారత ప్రభుత్వం. తనకు 'అర్జున' అవార్డు ఇవ్వడంపై టీమిండియా ఆల్రౌండర్ రవీంద్ర జడేజా ఆనందం వ్యక్తం చేశాడు. భారత ప్రభుత్వానికి కృతజ్ఞతలు తెలిపాడు. ఓ వీడియో ద్వారా తన సందేశాన్ని బీసీసీఐ ట్విట్టర్లో పోస్ట్ చేశాడు.
"అర్జున' పురస్కారంతో నన్ను గౌరవించిన భారత ప్రభుత్వానికి కృతజ్ఞతలు. అవార్డులు అందుకున్న ఇతర ఆటగాళ్లకు శుభాకాంక్షలు. వాళ్లకు సంబంధించిన క్రీడల్లో విశేషంగా రాణించారు. నాకు దక్కిన ఈ గౌరవం.. దేశం కోసం అత్యుత్తమ ప్రదర్శన కనబర్చేలా మరింత ప్రేరణనిస్తుంది" -రవీంద్ర జడేజా, భారత క్రికెటర్