రంజీ ట్రోఫికి రంగం సిద్ధం.. నిర్వహించేది అప్పుడే!

ఫిబ్రవరిలో రంజీ ట్రోఫీని నిర్వహించేందుకు బీసీసీఐ ప్రణాళికలు రచిస్తోంది. ఈ విషయమై ఈ నెల 17న జరిగే బీసీసీఐ అపెక్స్​ కౌన్సిల్​ మీటింగ్​లో తుది నిర్ణయం తీసుకునే అవకాశం ఉంది. దీంతో పాటే 2023-2031వరకు జరగాల్సిన ఐసీసీ ఎఫ్​టీపీ కమిట్​మెంట్స్ గురించి ఈ సమావేశంలో చర్చిస్తారు.

వచ్చే నెలలో ఈ సీజన్​ రంజీ ట్రోఫీని నిర్వహించేందుకు రంగం సిద్ధం చేస్తోంది బీసీసీఐ. ప్రస్తుతం జరుగుతోన్న సయ్యద్​ ముస్తాక్​ అలీ టోర్నీ కోసం ఏర్పాటు చేసిన ఆరు బయోబబుల్స్​లోనే ఈ టోర్నీని నిర్వహించాలని యోచిస్తోంది. ఈ నెల 17న జరగనున్న బీసీసీఐ అపెక్స్​ కౌన్సిల్​ మీటింగ్​లో ఈ విషయమై చర్చలు జరిపి తుది నిర్ణయం తీసుకుంటారు. ఈ విషయాన్ని బీసీసీఐకి చెందిన ఓ అధికారి తెలిపారు.

"90శాతం ఫిబ్రవరిలో రంజీట్రోఫీ జరుగుతుంది. సయ్యద్​ ముస్తాక్​ అలీ టోర్నీ కోసం ఏర్పాటు చేసిన బయోబబుల్స్​లోనే ఈ టోర్నీని నిర్వహిస్తాం. ఈ టోర్నీ లీగ్​ స్టేజ్​ను ఐపీఎల్​ ప్రారంభానికి ముందు నిర్వహిస్తాం. ఈ మెగాలీగ్​ పూర్తవ్వగానే నాకౌట్స్​, క్వార్టర్స్​, సెమీఫైనల్స్​, ఫైనల్స్​ నిర్వహిస్తాం."

-బీసీసీఐ అధికారి.

ఈ సమావేశంలో 2023-2031వరకు జరగాల్సిన ఐసీసీ ఎఫ్​టీపీ కమిట్​మెంట్స్ సహా పలు అంశాల గురించి చర్చించనున్నట్లు సదరు అధికారి వెల్లడించారు.

ఇదీ చూడండి : ఆసీస్​తో నాలుగో టెస్టుకు అందుబాటులో సెహ్వాగ్​!