కోహ్లీని విసిగించడానికి అనుష్క ఏం చేస్తుందంటే?

భారత క్రికెట్​ కెప్టెన్​ విరాట్​ కోహ్లీని విసిగించడమంటే ఎంతో ఇష్టమని అతని సతీమణి అనుష్క శర్మ తెలిపింది. ఇటీవలే ఇన్​స్టాగ్రామ్​లో అభిమానులతో ముచ్చటిస్తూ.. పలు ఆసక్తికర విషయాలు పంచుకుంది.

లాక్​డౌన్​ సమయంలో టీమ్​ఇండియా కెప్టెన్, అతని సతీమణి అనుష్క శర్మ సామాజిక మాధ్యమాల వేదికగా అభిమానులతో ముచ్చటిస్తున్నారు. తాజాగా, విరాట్​ను విసిగించడమంటే తనకు ఎంతో ఇష్టమని చెప్పింది అనుష్క. ఇన్​స్టాగ్రామ్​ వేదికగా అభిమానులతో చిట్​చాట్​ చేసిన ఈ ముద్దుగుమ్మ.. "మీ భర్తను విసిగించిన ఓ సందర్భాన్ని చెప్పండి" అని ఒకరు అడిగిన ప్రశ్నకు సమాధానమిస్తూ.. "ఏదైనా బోర్డు గేమ్​లో కోహ్లీని ఓడించి రెచ్చగొడితా. ఎందుకంటే అతనికి ఓడిపొవడమంటే ఇష్టముండదు" అని చెప్పుకొచ్చింది.

2017లో ఇటలీలో విరాట్​ను వివాహం చేసుకున్న అనుష్క.. బంధం గట్టిగా నిలబడటానికి సాయపడే అంశాలను వివరించింది. ఓ మంచి బంధానికి నిబద్ధత ఎంతో ముఖ్యమని.. అందులోనూ విశ్వాసం ఉండాలని తెలిపింది.

ఇటీవలే అసోం, బిహార్​ రాష్ట్రాల్లో వరదల్లో నష్టపోయిన ప్రజలకు అండగా ఉంటామని ఈ జంట హామీ ఇచ్చింది. ఈ విషయంలో ఎంతో కృషి చేస్తున్న మూడు సంస్థలకు మద్దతుగా ఉంటామని తెలిపారు.