టీమిండియా మాజీ క్రికెటర్ అంబటి రాయుడు రిటైర్మెంట్‌ను వెనక్కి తీసుకోబోతున్నాడని సమాచారం. ఈ దిశగా ఇప్పటికే అడుగులు వేశాడని తెలుస్తోంది. ప్రస్తుతం రాయుడు టీఎన్‌సీఏ వన్డే లీగ్‌లో గ్రాండ్‌శ్లామ్‌ జట్టుకు ఆడుతున్నాడు.
"భారత్‌ తరఫున పరిమిత ఓవర్ల క్రికెట్‌ ఆడాలని అనుకుంటున్నా. ఇండియన్‌ ప్రీమియర్‌ లీగ్‌లో తిరిగి అడుగుపెట్టాలని భావిస్తున్నా."
-రాయుడు, టీమిండియా మాజీ ఆటగాడు.
రెండేళ్లు టీమిండియా తరఫున నిలకడగా ఆడినా.. రాయుడిని సెలక్షన్‌ కమిటీ ప్రపంచకప్‌నకు ఎంపిక చేయలేదు. అతడి స్థానంలో ఆల్రౌండర్ విజయ్ శంకర్‌ను తీసుకుంది. ఈ విషయంపై రాయుడు సెలక్టర్లపై అసహనం వ్యక్తం చేశాడు.
ప్రపంచకప్లో శిఖర్‌ ధావన్‌, విజయ్ శంకర్ గాయపడ్డా బ్యాకప్‌గా ఉన్న అతడిని ఎంపిక చేయలేదు. పంత్‌, మయాంక్‌ను ఇంగ్లాండ్‌కు పంపించారు. భావోద్వేగానికి గురైన రాయుడు చివరికి అంతర్జాతీయ క్రికెట్‌కు వీడ్కోలు పలికాడు.
ఇవీ చూడండి.. బౌల్ట్ రికార్డు: టెస్టుల్లో 250 వికెట్లు