'స్మిత్​.. కెప్టెన్సీ స్థానం ఖాళీగా లేదు'

ఆసీస్​ జట్టు పగ్గాలు చేపట్టాలని ఉందంటూ తన మనసులో మాటను చెప్పిన క్రికెటర్​ స్టీవ్​ స్మిత్ వ్యాఖ్యలపై స్పందించాడు ఆ జట్టు కోచ్​ లాంగర్. ప్రస్తుతానికి అన్ని ఫార్మాట్లలో అత్యుత్తమ కెప్టెన్లు జట్టును నడిపిస్తున్నారని తెలిపాడు. కెప్టెన్సీ స్థానం ఖాళీగా లేదని పేర్కొన్నాడు.

అవకాశమొస్తే మళ్లీ కెప్టెన్​గా బాధ్యతలు నిర్వర్తిస్తానంటూ ఆసీస్​ ఆటగాడు స్టీవ్​ స్మిత్ చేసిన వ్యాఖ్యలపై.. ఆ జట్టు కోచ్​ జస్టిన్ లాంగర్​ స్పందించాడు. ప్రస్తుతం ఆరోన్ ఫించ్ (పరిమిత ఓవర్ల సారథి), టిమ్​ పైన్​ (టెస్టు సారథి) అత్యుత్తమ కెప్టెన్లు ఉన్నారని స్పష్టం చేశాడు. కెప్టెన్సీ స్థానం ఖాళీగా లేదని తేల్చి చెప్పాడు.

రానున్న రోజుల్లో యాషెస్​, టీ20 ప్రపంచకప్​ వంటి ప్రతిష్టాత్మక టోర్నీలు ఉన్నాయి. ఇప్పటికే ఇద్దరు సారథులు జట్టును అత్యుత్తమంగా నడిపిస్తున్నారు. జట్టు భవిష్యత్​ బాగుంది.

-జస్టిన్ లాంగర్, ఆస్ట్రేలియా కోచ్.

​ఇదీ చదవండి:అవకాశం వస్తే సారథ్యం వహిస్తా: స్మిత్