14:32 February 24
'మొతేరా స్టేడియం భారత్కు గర్వకారణం'
ప్రపంచంలోనే అతిపెద్ద స్టేడియంగా నిలిచిన మొతేరా మైదానం భారత దేశానికి గర్వకారణన్నారు రాష్ట్రపతి రామ్నాథ్ కోవింద్.
" 2018, నవంబర్లో ఆస్ట్రేలియా పర్యటనకు వెళ్లినప్పుడు 90వేల సీటింగ్ సామర్థ్యం కలిగిన మెల్బోర్న్ క్రికెట్ మైదానం ప్రపంచంలోనే అతిపెద్దదిగా తెలుసుకున్నా. ఇప్పుడు మొతేరాలో 1,32,000 సీటింగ్ సామర్థ్యం కలిగిన స్టేడియం ఉండటం భారత్కు గర్వకారణం. "
- రామ్నాథ్ కోవింద్, రాష్ట్రపతి
13:29 February 24
దేశానికే క్రీడల నగరంగా అహ్మదాబాద్: షా
గుజరాత్లోని అహ్మదాబాద్ ఇప్పుడు దేశానికి క్రీడల నగరంగా మారిందన్నారు కేంద్ర హోంమంత్రి అమిత్ షా. మొతేరాలోని నరేంద్ర మోదీ స్టేడియం, సర్దార్వల్లాభాయ్ పటేల్ స్పోర్ట్స్ ఎన్క్లేవ్లతో పాటు నరాన్పురాలో స్పోర్ట్స్ కాంప్లెక్స్ను నిర్మించనున్నట్లు తెలిపారు. ఈ మూడింతో ఎలాంటి అంతర్జాతీయ క్రీడలనైనా నిర్వహించగలమని తెలిపారు.
' ప్రధాని మోదీ.. ముఖ్యమంత్రిగా ఉన్నప్పుడు, గుజరాతీలు 2 రంగాలలో-క్రీడలు, సాయుధ దళాలలో కూడా పురోగతి సాధించాలని ఆయన చెప్పారు. నా అభ్యర్థన మేరకు జీసీఏ ఛార్జ్ తీసుకుని క్రీడలను ప్రోత్సహించారు. ఇక్కడ ప్రపంచంలోనే అతిపెద్ద క్రికెట్ స్టేడియం నిర్మించాలనేదే ఆయన విజన్. ఈ 1.31 లక్షల సీటింగ్ సామర్థ్యం కలిగిన ఈ స్టేడియం.. ఇకపై నరేంద్ర మోదీ స్టేడియంగా మారనుంది.' అని పేర్కొన్నారు అమిత్ షా
13:10 February 24
మొతేరాకు నరేంద్ర మోదీ స్టేడియంగా పేరు మార్పు
మొతేరాలోని సర్దార్ వల్లభ్భాయ్ పటేల్ స్టేడియం పేరును మార్పు చేశారు. నరేంద్ర మోదీ స్టేడియంగా మార్చారు.
13:00 February 24
'మొతేరా స్టేడియం దేశానికే గర్వకారణం'
మొతేరా స్టేడియా కేవలం క్రికెట్ కోసమే కాదని, అది దేశానికే గర్వకారణమన్నారు కేంద్ర క్రీడల శాఖ మంత్రి కిరణ్ రిజిజు. ప్రపంచంలోనే అతిపెద్ద మైదానమే కాదని, అత్యాధునిక హంగులు కలిగినదిగా చెప్పారు. అహ్మదాబాద్ దేశానికే క్రీడల నగరంగా మారిందన్నారు. మొతేరా స్టేడియం ప్రారంభించిన సందర్భంగా ఈ మేరకు వ్యాఖ్యానించారు కేంద్ర మంత్రి.
12:20 February 24
మొతేరా స్టేడియాన్ని ప్రారంభించిన రాష్ట్రపతి
మొతేరా స్టేడియాన్ని ప్రారంభించిన రాష్ట్రపతి
గుజరాత్ అహ్మదాబాద్లోని మొతేరాలో నిర్మించిన ప్రపంచంలోనే అతిపెద్దదైన సర్దార్ వల్లాభాయ్ పటేల్ స్టేడియాన్ని రాష్ట్రపతి రామ్నాథ్ కోవింద్ ప్రారంభించారు. సర్ధార్‌ వల్లభాయ్‌ పటేల్ స్పోర్ట్స్ ఎన్‌క్లేవ్‌కు రాష్ట్రపతి రామ్నాథ్ కోవింద్ దంపతులు భూమి పూజ చేశారు.
కార్యక్రమానికి కేంద్ర హోంమంత్రి అమిత్ షా, క్రీడల శాఖ మంత్రి కిరణ్ రిజిజు, గుజరాత్ ఉప ముఖ్యమంత్రి నితీశ్ పటేల్ హాజరయ్యారు.
12:18 February 24
మొతేరాకు రాష్ట్రపతి..
రాష్ట్రపతి రామ్నాథ్ కోవింద్, కేంద్రమంత్రి అమిత్ షా... మొతేరా స్టేడియానికి చేరుకున్నారు. మరికొద్ది సేపట్లో స్టేడియాన్ని ప్రారంభించనున్నారు.
11:37 February 24
లైవ్: మొతేరా స్టేడియాన్ని ప్రారంభించనున్న రాష్ట్రపతి
ప్రపంచంలోనే అతిపెద్దదైన సర్దార్ పటేల్ స్టేడియం (మొతేరా)ను రాష్ట్రపతి రామ్నాథ్ కోవింద్ ప్రారంభించనున్నారు. మొతేరా మైదానం ప్రారంభోత్సవానికి అన్ని ఏర్పాటు పూర్తి చేశారు అధికారులు. ఇప్పటికే అక్కడ సందడి మొదలైంది.
ఇవాళ్టి నుంచి ఈ మైదానంలో భారత్-ఇంగ్లాండ్ మధ్య పింక్ బాల్ టెస్ట్ ఆరంభం కానుంది.
