టీమ్ఇండియా మాజీ ఆల్రౌండర్ సురేశ్ రైనా.. జమ్ము కశ్మీర్ లెఫ్టినెంట్ గవర్నర్ మనోజ్ సిన్హా, పోలీసు డైరెక్టర్ దిల్బాల్ సింగ్లతో శుక్రవారం సమావేశమయ్యాడు. లోయలో క్రీడలను ప్రోత్సహించేందుకు ఆసక్తిగా ఉన్నట్లు రైనా వారికి ఇటీవలే లేఖ రాశాడు. తద్వారా నిరుపేద కుటుంబాలకు చెందిన పిల్లలు నైపుణ్యాలను మెరుగుపరుచుకునేందుకు వీలు కల్పించినట్లవుతుందని పేర్కొన్నాడు. ఈ విషయంపై చర్చించేందుకు వారితో భేటీ అయ్యాడు.
"జమ్ముకశ్మీర్లో క్రీడలను ప్రోత్సహించే దిశగా కృషి చేయడంపై లెఫ్టినెంట్ గవర్నర్ మనోజ్ సిన్హాతో సమావేశం జరిగింది. అందుకు ఆయన మద్దతు తెలిపారు. చాలా సంతోషంగా ఉంది. ఈ కార్యక్రమాన్ని మరింత ముందుకు తీసుకెళ్లాలి"