కోహ్లీ తర్వాత ఆ రికార్డు సాధించిన ఫించ్​

ఇంగ్లాండ్​తో జరిగిన తొలి టీ20లో 46 పరుగులు చేసిన ఫించ్.. ఈ ఫార్మాట్​లో రెండు వేల పరుగుల చేసిన పదో క్రికెటర్​గా నిలిచాడు. కోహ్లీ తర్వాత ఈ ఘనత సాధించాడు.

ఆస్ట్రేలియన్​ బ్యాట్స్​మన్​ ఆరోన్ ఫించ్ ​అరుదైన రికార్డు సాధించాడు. టీ20ల్లో కోహ్లీ తర్వాత అత్యంత వేగంగా రెండు వేల పరుగులు మైలురాయి అందుకున్న రెండో క్రికెటర్​గా ఘనత సాధించాడు. సౌంథాప్టన్​లో ఇంగ్లాండ్​తో జరిగిన తొలి టీ20 ఈ ఘనత సాధించడం సహా మ్యాచ్​ గెలవడంపై హర్షం వ్యక్తం చేశాడు. ఈ మ్యాచులో 46 పరుగులు చేయగా.. అందులో ఏడు ఫోర్లు, ఓ సిక్స్​ ఉంది.

మొత్తంగా అంతర్జాతీయ టీ20ల్లో 2 వేల పరుగులు చేసిన పదో బ్యాట్స్​మన్​ ఫించ్​. అంతకముందు కోహ్లీ, రోహిత్​ శర్మ, ఇయాన్​ మోర్గాన్, డేవిడ్​ వార్నర్​ సహా పలువురు ఈ జాబితాలో ఉన్నారు.

తొలి టీ20 ఇంగ్లాండ్ 2 పరుగుల తేడాతో గెలిచింది. 163 పరుగుల లక్ష్యఛేదనలో ఆస్ట్రేలియా విజయానికి చివరి 6 బంతుల్లో 15 పరుగులు అవసరమవగా.. స్టాయినిస్ భారీ సిక్స్ బాదాడు. దాంతో ఉత్కంఠ నెలకొనగా.. బౌలింగ్ చేసిన టామ్ కరన్ ఆఖరి ఓవర్‌లో 12 పరుగులు ఇచ్చి ఇంగ్లాండ్‌ను గెలిపించాడు. ఫలితంగా మూడు టీ20ల సిరీస్‌లో ఇంగ్లాండ్ 1-0తో ఆధిక్యాన్ని సంపాదించింది.

ఇదీ చూడండి ఐపీఎల్ ప్రాక్టీసులో కోహ్లీ అద్భుత క్యాచ్!