వెస్టిండీస్తో టీ20 సమరం ముగిసింది. 2-1 తేడాతో అద్భుత విజయాన్ని అందుకుంది టీమిండియా. ఇప్పుడు వన్డే సిరీస్లో సత్తా చాటాలనుకుంటోంది. ఆదివారం మొదటి మ్యాచ్ జరగనుంది. ఈ సిరీస్లో కొన్ని అరుదైన రికార్డులు నమోదు కానున్నాయి.
టైకు ముగింపు..
1979 నుంచి ఇప్పటివరకు కరీబియన్లతో టీమిండియా 130 వన్డేలాడింది. ఇరుజట్లు చెరో 62 విజయాలు అందుకున్నాయి. ఈ సిరీస్తో టై కు ముగింపు పడనుంది. విండీస్ చివరిగా భారత్తో ద్వైపాక్షిక సిరీస్ను 2006లో నెగ్గింది. అప్పటినుంచి వరుసగా 9 సిరీస్ల్లో విజయభేరి మోగించింది టీమిండియా.
విండీస్పై విరాట్ రికార్డు బ్యాటింగ్..
వెస్టిండీస్తో సిరీస్ అనగానే విరాట్ కోహ్లీ తనదైన శైలిలో రెచ్చిపోతున్నాడు. కరీబియన్లపై కోహ్లీ ఆడిన చివరి 9 వన్డేల్లో 174 సగటుతో 870 పరుగులు చేశాడు. ఇందులో 6 సెంచరీలు, ఓ అర్ధశతకం ఉన్నాయి. వరుసగా 111*, 140, 157*, 107, 16, 33*, 72, 120, 114* గణాంకాలు నమోదు చేశాడు కోహ్లీ. మొత్తంగా విండీస్తో 35 ఇన్నింగ్స్లాడిన కోహ్లీ.. 2146 పరుగులు సాధించాడు. అందులో 9 శతకాలు, 10 అర్ధసెంచరీలు ఉన్నాయి.
చెన్నై వేదికగా మధ్యాహ్నం 1.30 గంటలకు వెస్టిండీస్తో తొలి వన్డే ప్రారంభం కానుంది. రెండో మ్యాచ్ విశాఖలో ఈనెల 18న జరగనుంది. మూడో వన్డే కటక్లో ఈనెల 22న నిర్వహించనున్నారు.
ఇదీ చదవండి: నా రికార్డును వారిద్దరూ బ్రేక్ చేస్తారు: లారా