IPL 2022 Australia Players: ఆస్ట్రేలియా క్రికెటర్లు ఐపీఎల్ ఆడేందుకు మార్గం సుగమమైంది. ఈ ఏడాది ఐపీఎల్లో పాల్గొనేందుకు క్రికెట్ ఆస్ట్రేలియా(సీఏ) తమ ఆటగాళ్లకు నిరభ్యంతర పత్రం(ఎన్ఓసీ) మంజూరు చేసింది. దీంతో డేవిడ్ వార్నర్, పాట్ కమిన్స్, గ్లెన్ మాక్స్‌వెల్ స్టార్లు ఏప్రిల్ 6 నుంచి ఐపీఎల్కు అందుబాటులో వచ్చే అవకాశముంది.
అయితే తమ ఆటగాళ్లు వెంటనే ఐపీఎల్కు అందుబాటులో ఉండరని సీఏ వర్గాలు తెలిపాయి. పాకిస్థాన్ పర్యటన ముగిసిన తర్వాత మాత్రమే ఆటగాళ్లు తమ ఫ్రాంచైజీలకు అందుబాటులో ఉంటారని ఆ వర్గాలు స్పష్టం చేశాయి. "అవును. ఈ ఐపీఎల్ సీజన్లో మా ప్లేయర్లు పాల్గొనేందుకు ఎన్ఓసీ మంజూరు చేశాం. అయితే పాకిస్థాన్ పర్యటన ముగిసిన తర్వాతే వారు అందుబాటులో ఉంటారు" ఆ వర్గాలు పేర్కొన్నాయి.