ఓ క్రికెట్లో మ్యాచ్లో రెండు పరుగులకే ఆలౌటవడం ఎప్పుడైనా చూశారా? అది టీ20 అయినా సరే కనీసం 10, 20 పరుగులు చేయొచ్చు. కానీ ఓ జట్టు మాత్రం 2 పరుగులకే ఆలౌటై క్రికెట్ ప్రపంచాన్ని ఆశ్చర్యానికి గురి చేసింది. హంటింగ్టన్షైర్ కౌంటీ లీగ్ మ్యాచ్లో ఈ సంఘటన చోటు చేసుకుంది. ఈ లీగ్లో భాగంగా బక్డెన్ క్రికెట్ క్లబ్-ఫాల్కన్ మధ్య జరిగిన మ్యాచ్లో బక్డెన్ జట్టు కేవలం రెండు పరుగులకే చేతులెత్తేసింది.
సింగిల్ రన్ తీయలేకపోయారు
ఈ మ్యాచ్లో మొదట బ్యాటింగ్ చేసిన ఫాల్కన్ ఆరు వికెట్ల నష్టానికి 260 పరుగులు చేసింది. తర్వాత బ్యాటింగ్కు దిగిన బక్డెన్ జట్టులో ఒక్కరంటే ఒక్క బ్యాట్స్మెన్ కూడా సింగిల్ రన్ తీయలేకపోయారు. వైడ్, బై కారణంగా రెండు పరుగులు వచ్చాయి. దీంతో 2 పరుగులకే ఆలౌటైంది జట్టు. ఫలితంగా 258 పరుగుల తేడాతో ఘన విజయం సాధించింది ఫాల్కన్.
అదే కారణం
ఇంతటి దారుణ ఓటమి తర్వాత మాట్లాడిన బక్డెడ్ కెప్టెన్ జోయల్ కిర్చ్నర్.. అందుకు గల కారణాన్ని వివరించాడు. "మా జట్టులోని 15 మంది ఈ మ్యాచ్కు గైర్హాజయ్యారు. వ్యక్తిగత కారణాల వల్ల వారంతా రాలేకపోయారు. దీంతో రెండో జట్టుతో బరిలో దిగాల్సి వచ్చింది. ఆట ప్రారంభమయ్యే సమయానికి 8 మందిమే ఉన్నాం. వ్యక్తిగత పని చూసుకొని 30 ఓవర్ సమయంలో గ్రహమ్ పీర్స్ వచ్చాడు. ఇది చెత్త జట్టని నేను అంగీకరిస్తున్నా. ఇంతకుముందు ఫాల్కన్తో జరిగిన మ్యాచ్లో మేము 9 పరుగుల తేడాతో మాత్రమే ఓడిపోయాం" అని వెల్లడించాడు జోయల్.
